海俊傑拍片崩潰求助太太急性肝硬化急籌150萬醫療：我哋而家爭七十萬

藝人海俊傑昨晚（8日）突然在社交平台上載一段自拍求助影片，神情憔悴、情緒崩潰，多度痛哭。他指太太Effie（莫家慈）患上「急性肝硬化」，需緊急進行肝臟移植手術，估算手術及治療開支共需約150萬元。他已向身邊朋友籌得約70萬元，仍欠一半費用，因而向大眾求助。

海俊傑在片中反覆強調時間迫切，指醫生告知「喺呢兩日」是手術關鍵時刻。他為證求助屬實，在片段中特意讀出拍攝時間（11月8日晚上10時），並哽咽表示：「我係海俊傑，我唔係騙子……我之後會有好多嘢 prove 俾大家睇。」

他透露，太太早前已在香港瑪麗醫院留醫20日，其後因病情惡化被緊急轉送到廣州中山醫院接受治療。談及太太情況時，他一度泣不成聲，懇求外界伸出援手：「幫到一份就一份，幫到幾多就得幾多……好多謝大家，唔該晒。」