林寶玉唔見護照膽粗粗闖關　成功由布拉格飛巴黎再返港

林寶玉放棄做薛影儀經理人工作，回復自由身後工作不斷，早前她遠赴歐洲拍攝旅遊節目，行程相當緊密，要游走多國，她卻失暈在其中一程飛機上遺下護照，直至在布拉格登機前才驚覺無護照在身，於當地機場報案後，既然已在機場，她膽粗粗嘗試闖關，竟然成功登機飛抵巴黎，再轉機返港，她稱直至登上巴黎回港航機上，才鬆一口氣，度過驚慄5個多小時，她笑言：「唔見咗passport都闖關返香港成功，自己都估唔到。」她感謝在布拉格和巴黎的地勤人員盡力幫忙，讓她解困：「初初諗住去到巴黎已經好好，或者到時再搵領事館幫忙，點知去到巴黎仲畀我轉機，感覺好似將我遣返香港咁。原本她計劃喺巴黎逗留9個鐘再影相，最後都取消咗，以免節外生枝，立即飛返香港。」

提到此行除了拍攝旅遊特輯，還順道拍攝月曆寫真，入行以來從未出過寫真，今次屬處女作，因為是月曆，她表示會盡量抽取精彩畫面給粉絲好好收藏。

東網網站 : https://on.cc/東網Facebook專頁 : https://www.facebook.com/onccnews/