18歲姚焯菲自稱未試過失戀　曾暗戀男同學唔敢畀人知

TVB《今晚有歌廳》本周日（8月3日）播出一集的嘉賓，是《中年好聲音》顏志恒及《聲夢傳奇》姚卓菲Chantel。今集主題是「夏天嘅回憶」，主持就「失戀」及「暑期工」兩個話題向兩位嘉賓作出提問。周國豐問18歲的Chantel有否試過失戀，Chantel第一反應是傻笑兼帶點尷尬青澀，同場的顏志恒、顏米羔及黃劍文即時忍不住哈哈大笑，周國豐亦笑言Chantel「呢個笑容」可圈可點。

Chantel之後透露覺得自己沒有失過戀，並直豎食指裝作有霸氣地一再強調：「我覺得我未經歷過呢樣嘢！」她坦承試過暗戀男同學，並笑言當時暗戀得相當低調：「一開始都唔敢同朋友講，因為會好驚，你知嗰啲推嚟推去，叫你『去啦去啦！』，好驚呢啲。」她又公開喜歡男仔類型：「其實我鍾意比較靜嘅人。」以及「我一定要由朋友開始。」顏志恒則透露自己只經歷過一次失戀，分手原因更與「讀書成績冇進步」有關，主持支支忍不住問：「其實佢補習老師嚟喎。」

談到暑期工話題，Chantel透露現時的工作正是她的暑期工，並自揭自己是睡寶寶，所以這份暑期工最難的地方是捱夜：「我係習慣好早瞓嘅人。（睡寶寶？）我係，去到好夜嘅時候我會開始發呆，我會唔講嘢，咁大家就會『死喇，佢要瞓覺喇……』。」至於顏志恒的唯一一次暑期工，則是在酒樓工作，他直指當時不但煮飯（皆因是大鑊飯）很大工程，每日更要花費大量氣力及要眼明手快。