方力申尋回失雀金剛鸚鵡　雀友相助險被貓襲

45歲方力申(Alex)今年情人節宣佈和年輕14年的女友葉萱(Maple)結婚，之後到父親節更公佈喜訊即將做爸爸。而日前他更在網上分享原來早前走失了一隻金剛鸚鵡，名為龍兒，慶幸之後成功尋回重聚。

方力申分享和一眾雀友的合照留言：「我隻金剛鸚鵡龍兒，尋日失而復得之後，今日我即刻約埋琴日大部分救『兒』拯救隊嘅成員，當中當然包括發現龍兒嘅阿成同佢屋企人，佢話當時見到有隻貓好似想攻擊一啲嘢，先至發現原來龍兒喺草叢入面。我哋一班鸚鵡友，講返事發經過之餘，我又乘機學吓點樣照顧鸚鵡，開開心心渡過3小時。#我是一隻小小小小鳥 」影片中更見到其雀友的一隻亞馬遜鸚鵡即席獻唱〈我是一隻小小鳥〉。