張敬軒自嘲「鄉下仔出城」　滯留米蘭狂掃心頭好

張敬軒出席完歌手Tyson Yoshi（TY）與太太Christy的一連三日意大利婚禮後，未有立即返港，繼續留在當地度假，日前拍攝了多張街頭留影靚相上載社交網，透露「滯留」意國有原因，皆因他要去米蘭shopping，但並非買衫，而是睇最愛的家具。

他留言：「到咗米蘭兩日，話就話放吓假，不過唔知點解好似好忙咁，尤其係對眼，呢度啲屋企嘢實在太靚，連電話都少咗擺喺手，又冇乜點喺街度影自己相。」軒仔奉勸和他一樣愛傢俬的網友們要慎入米蘭，否則後果自負，講到相當「危險」。

他解釋由於香港經濟環境改變及地方限制關係，不少代理商未必能夠在實體店擺放太多實物，而由時裝品牌發展而成的家具，非常令人有驚喜，更令他有如「鄉下仔出城」的感覺，覺得所見所聞全部都「好靚、好靚」形容，而為覓得心頭好，他專程趁周四、五日才出動，他謂：「因為好多舖頭週末都休息」，不過唯一令他覺得美中不足是「好嘢要等」，他說：「我呢啲心急嘅人，通常買咗嘢都想即刻有得用，喺香港showroom睇中啲嘢，通常一兩日就可以送貨，嚟到呢度所有嘢都要訂， 通常等3月至半年。」雖然如此，軒仔亦訂購了最鍾意的傢俬，加上有朋友陪食雪糕及飲酒，亦可能人逢喜事精神爽關係，連之前復發的哮喘，竟在以毒攻毒下痊愈。

東網網站 : https://on.cc/東網Facebook專頁 : https://www.facebook.com/onccnews/