歐美最矮模特兒名單曝光！其中一個「星二代」身高僅得1米60

以前想做模特兒首要條件就係要生得高大，不過今時唔同往日依家做模燕瘦環肥咩類型都得。最近有英國傳媒就公布歐美模特兒當中邊個生得最矮細！

Lily-Rose Depp係美國影壇男神尊尼特普（Johnny Depp）嘅掌上明珠，佢身高僅有1米60，係歐美最矮細嘅模特兒。Lily未成為演員之前係模特兒出身，曾為多個國際時尚品牌拍廣告同行catwalk。而同Lily一樣身高1米60嘅仲有22歲英國模特兒Lila Moss，佢同樣係「星二代」，Lila母親係英國超模姬摩絲（Kate Moss）。佢自從2016年同母親一同上時尚雜誌《Vogue》意大利版封面後即成名。

此外，美籍日裔模特兒青木迪芳亦係「矮模」之一，佢於90年代出道曾有「小姬摩絲」之稱。佢身高僅1米65，生得相當「的骰」。除了模特兒之外，青木迪芳亦拍過電影。目前42歲嘅青木已嫁作人婦專心相夫教子。

有矮就自然有高，其中有「小KK」之稱嘅美國超模Karlie Kloss就以1米87身高名列前矛成為最高大嘅模特兒。

東網網站 : https://on.cc/東網Facebook專頁 : https://www.facebook.com/onccnews/