網上熱話｜屯門友分享早上出城返工3種經歷 每朝起身必做一事
屯門人每日到市區上班就如大長征，網民也不時戲言他們要「騎牛」出城。有屯門友趁假日，在社交平台分享平日外出上班的3種經歷，包括一起身就要查閱群組「屯門公路塞車關注組」最新資訊、長期在公司群組預告自己會遲到，以及Google地圖長期顯示出城路況為紅色，即交通擠塞，「塞車萬歲！唔塞車就唔係屯門！」
「巴士要冒住遲到嘅心去搭」
發帖的網民提到，自己搭巴士上班的車程大約40分鐘，早上8時40分登車、9時15分落車，不過其上班時間實為早上10時，「咁×早出門口搭巴士就係怕咗遲到」，戲言「巴士要冒住遲到既(嘅)心去搭」，又指如果乘搭鐵路上班就需時75分鐘，較搭巴士多超過半小時，只好預早搭巴士上班，「你估我唔想瞓多陣咩。」
有網民留言支持和分享經歷，「屯門牛牛嚟，牛牛與你同在」、「我以前有份工返牛頭角，我平時八點30前返到公司，果(嗰)日反左(咗)架水車，我返到公司11點幾」，亦有人讚揚帖主的老闆好人，「換轉其他公司炒左九世……老細：唔搭西鐵？唔識預早出門口？遲到就係遲到etc..」
壞車冒煙站公路待援 「感受企喺屯門公路感覺」
此外，帖主發帖當日亦在屯門公路經歷巴士爆軚意外，由於當時車廂冒煙，故部分乘客離開車廂到馬路上等候另一巴士接載，笑言「可以感受下企係(喺)屯公既(嘅)感覺」、「原來個地下會震」。在另一社交平台群組亦有乘客分享同一班壞車的情況，有人笑言「免費畀你打咭，賺咗啦」，亦有人擔心乘客安危，「後面收唔切撞落巴士到，啲人就好似保齡樽咁。」
▼消暑對策—夏日「熱」養生 5招以熱制熱方法▼
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)