內地女遊客踎街　圍垃圾桶食煙　網民拍照公審批肉酸　內地網民反指港人苛刻

近日有港人在社交平台 Threads 發文並上載照片，批評兩名疑為內地女遊客在街頭圍着垃圾桶「踎街」吸煙，形容行為「好 X 肉酸」，事件隨即引發網上罵戰，大批網民就此展開激辯。

帖文所附照片可見，兩名身穿輕便服飾的女子蹲於旺角街頭一個垃圾桶旁吸煙，地上放有手袋及飲品，左側另有一名男子站立吸煙。其中一名女子的白色衣物部分貼地，引發部分港人關注衛生問題。樓主直言：「有時真係唔想歧視佢哋，好好地人一個，點解要踎喺度圍住個垃圾桶，真係好 X 肉酸。」

帖文一出，隨即在網上掀起兩派爭論。有支持樓主的港人認為「踎街」行為不雅且不衛生：「見過着裙都踎街，真係無言」、「件衫抹晒地，垃圾桶又污糟又臭，睇見都唔舒服」、「畀廿蚊入茶餐廳買杯嘢飲咪有得坐」、「香港雖然唔夠凳，但都唔代表要踎落地」。

不過，亦有不少人批評樓主言論帶有歧視成分，有網民反駁：「日本人都會踎，你有冇投訴過？」、「菲傭星期日坐喺街你又唔出聲？」、「香港講自由，但見人踎街又嬲，到底係想點？」

亦有內地網民加入討論：「每次去旺角那個垃圾桶都是滿的，垃圾都溢出來然後還要罵大陸人亂丟垃圾。去找麥當勞星巴克也人多，靠路邊找個地方蹲下也要捱罵，這就是香港人」