61歲陶大宇被爆已再婚 曾揚言與現任老婆「打風打唔甩」

現年61歲的陶大宇曾有過一段婚姻，他與曾任職傳媒的女友家儀相戀多年，大宇曾表示和女友「打風都打唔甩」，有生之年一定會結婚，但要等待適合時間。杜挺豪近日回港，前晚（27日）在YouTube個人頻道開直播，與林建明（大姐明）在背對維港的餐廳內聊天，其間邀請家儀入鏡。杜挺豪表示家儀是其記者朋友，睇住他入行，十分愛惜他。家儀很開心再見杜挺豪，讚他的兒子很靚仔；之後又表示大姐明十分照顧傳媒。

大姐明突然提議家儀叫陶大宇唱《倒轉地球》，然後又說︰「點解我哋無啦啦提起呢，係因為佢係陶太﹗」家儀最初有點驚訝，隨後甜笑舉V字手勢。杜挺豪送上恭喜，3人碰杯及擁抱。杜挺豪說︰「我唔知講唔講得嘛﹗」林建明說︰「冇嘢係唔講得，事實就得，唔係捏造，唔係假新聞，總之真實就講得！好事，開心事，唔怕﹗」家儀表示︰「多謝咁多位支持﹗大姐明講就得啦﹗」

（即時娛樂）