全民齊估「亞洲天王」係JJ　Tommy爆老婆被約上酒店房

阮民安（Tommy）有料爆！話說昨晚，他忽然於Facebook出Po大爆有一名「亞洲天王巨星」，疑於今年9月約其有「原宿女神」之稱的太太張倚雯（Eva）開房，仲隨Po附上幾張Instagram inbox對話截圖作證！圖中，所謂的「亞洲天皇巨星」於9月時，以英文主動向Eva表示自己會留港一晚，仲似乎想約她夜會，其後又稱：「I guess I got no plans, maybe stay in hotel? You wanna come hang out? My room is small though.」當時，Eva則回覆太夜不如下次先見。對此，Tommy留言：「手足們，如果您發現有一個紅遍全亞洲，形象極好嘅天皇巨星嚟咗香港，想約你老婆上佢酒店房，您會點做？」最終Eva梗係好有禮貌地拒絕了啦，Tommy繼續爆粗說：「唔Ｘ係啩？咁紅嘅對手，未遇過，畀我冷靜處理吓先！」此Po一出，當然隨即引爆全城小宇宙，紛紛猜測「亞洲天王巨星」是誰啦！當中不少網民都推測是亞洲天王林俊傑（JJ），有人更憑住截圖的蛛絲馬跡，發現被遮剩少少的「亞洲天王巨星」名，居然跟JJ的Ig帳戶名「jjlin」神似；亦有人估「亞洲天王巨星」所稱「Jet lagged from XX」，應該是LA，恰巧JJ於9月份曾上載到美國洛杉磯的照片。不過，Tommy就以「驚個Page畀人炸死」為由，拒絕透露「亞洲天王巨星」身份，同時亦都冇否認對方係咪JJ；而今日回覆傳媒時，他僅答：「呢個真係家事，我哋就會私底下處理番。」