試盡減肥偏方！尹蓁晞由中碼變到加細碼

藝人尹蓁晞（Yumi）與形象指導許嘉浩（Karl）出席投資移民活動，Karl表示一直有退休後移民到澳洲的計劃，因有親友在當地，而且他曾在當地讀暑期班，至於Yumi就想過退休後移民台灣：「我喺台灣生活過，溝通都冇問題，對當地環境好熟悉。」Karl又指稍後會到葡萄牙視察：「我之前未去過葡萄牙，但我啱啱喺澳門開咗間公關公司，經常要去澳門，澳門都好有葡萄牙特色。」

每日戴馬甲束腰八個鐘

現場所見，Yumi比之前消瘦不少，她自言很努力減肥：「我試好多偏方，例如16個鐘唔食嘢，又飲蘋果醋減肥，我每日都會戴住馬甲束腰八個鐘，我由中碼馬甲着到加細碼，不過磅數就只係輕咗好少，因為我做運動，由脂肪變咗肌肉。（目標係減幾多？）冇目標，想變番以前嘅狀態。我要健康減肥，唔要節食減肥。」談到感情生活，Yumi稱未有拍拖：「我唔想諗呢啲，想做好自己先。」至於聖誕，她會留港度過，Karl就會到澳門工作順道與家人慶祝。

東網網站 : https://on.cc/

東網Facebook專頁 : https://www.facebook.com/onccnews/