Fairy tale學心理 II：灰姑娘的小心思（下）

💙灰姑娘之所以可以俘虜王子個心，絕對係天時、地利、人和造就咗呢段關係熱情同親密嘅元素。

🧹不得不提嘅就係灰故娘獨特嘅成長背景。呢位養在深閏嘅靚女，細細個就被繼母/繼姐困住做阿四，成日都蓬頭垢面咁，鄰居都唔知見過佢真身未呀，更何況王子？再加上fairy godmother嘅魔術棒一揮(其實佢會唔會係神級化妝師呢🤔)，簡直靚到連媽媽都唔認得呀！

呢位不知哪來、令人眼前一亮嘅靚女，身世神秘又充滿新鮮感，仲唔激發起王子對佢嘅好奇同愛慕？吸睛吸睛👀

💃🏻跟住到灰姑娘出席舞會果幕，時間真係啱啱好㗎！當大家都企埋一邊，氣都唔敢大聲唞一啖，等住做「那個被選中的」女人嘅時候，灰姑娘就闖門而入，仲要一副look at me~look at me~嘅氣勢，果份壓場感，真係全民造星都唔夠佢嚟呀！王子又點會見佢唔到吖！咁就成功得到同王子親密接觸嘅機會，灰姑娘你係得嘅👍

👠一次嘅親密接觸當然唔足以令王子心動，而灰姑娘最巧妙嘅就係令到王子對佢牽腸掛肚。跳到一半未完成果隻舞，不經意留低嘅一隻玻璃鞋，同埋果下自然而不造作嘅不捨回眸，令王子覺得「Wow！係期間限定特別版呀😍」果份要得到美人歡心嘅激情，促使王子第二日嗱嗱聲拎住隻玻璃鞋，展開御駕尋人之旅。 🕊

👑不過呢個旅程又唔係順風順水喎，個個都想著得落隻玻璃鞋，但係又個個都著唔落隻玻璃鞋喎。🌧正當王子垂頭喪氣，準備拉大隊走人之際，被繼母/繼姐困住嘅灰姑娘就無意中嚟一招「未見其人，先聞其聲」，坐喺窗邊憂傷咁哼住🎶~lavender’s blue~dilly dilly~lavenders green~🎶 天籟般嘅歌聲最終令兩個人相認。

呢個九曲十三彎、失而復得嘅尋人旅程，對於自細生活喺皇宮，要乜有乜嘅王子，簡直係引人入勝，刺激得嚟又充滿驚喜！

🚀咁難先得到呢段關係，王子就梗係如獲至寶、珍而重之啦，你話啱唔啱先？ ☑️

👫🏻灰姑娘同王子係咪真係從此過著幸福快樂嘅生活我哋就不得而知，不過佢哋嘅故事教訓我哋，

每一段關係都係需要用心經營嘅，無論雙方幾咁兩情相悅，幾咁郎才女貌，間中都要加下溫，製造一啲熱情同親密。

🎄趁住聖誕就到，快啲諗下點樣用心經營同身邊家人、朋友、另一半嘅關係啦！

💫Fairy tale係《吾係心理學家》嘅新嘗試呀！大家仲有咩故仔想聽呀？快啲DM我哋啦！

🔍想知多啲？可以睇下以下篇文：
Sternberg, R. J. (1986). A triangular theory of love. Psychological review, 93(2), 119.

          View this post on Instagram                      

A post shared by 吾係心理學家 Hi Psychologist! (@hkhipsychologist)