女神配對計劃｜林澤謙被揭曾入獄 首開腔回應：我始終係做錯咗

無綫戀愛真人騷《女神配對計劃》，葉蒨文（Sophie）和曾展望（GM）被看好有進一步發展，惟GM被嫌表白時太進擊，令女神對他的好感度「不升反跌」。三回合比賽，曾展望勝出一回合，林澤謙勝出兩回合，獲機會跟葉蒨文共享「甜品時光」。

怕醜仔林澤謙獲女神垂青引起熱話，但同時被揭「黑歷史」，疑曾涉及2016年立法會資訊科技界賄選案。根據法庭紀錄，名字為「林澤謙」的被告，因接受850元報酬參與「種票」計劃被廉署起訴，2021年判入獄6星期，與林澤謙的姓名及背景相當脗合。

有網民就有關傳聞在社交平台留言問葉蒨文是否介意追求者有案底？她回覆：「我更加在意一個人嘅現在，現在就已經包含佢嘅過去同埋思維，我亦都會觀察一個人嘅成長空間。」

林澤謙昨天（6月30日）在社交平台開腔回應「黑歷史」，他先寫道：「剛剛呢個星期有好多嘅報道、評論，唔同平台，不論係好壞，真假，我都有去睇。」再交代事情發生在10年前，當年他愚昧無知沒想清楚，便將資料交給朋友，而這些資料最後亦被不妥當使用：「我並冇參與任何投票行為，但我始終係做錯左（咗）。我好後悔，亦承擔左（咗）應有嘅後果。當時我可以做嘅，就係繼續努力完成學位同繼續努力訓練，為自己人生負責。

而上述紀錄其實亦已經無效，所以我並非刻意要向任何人隱瞞或不作申報。如有任何人主動問及，我亦會大方承認。對節目造成不便同影響，我感到好抱歉。」

林澤謙又表示「要學打波，先要學做人」，他稱以往有處理得不好的事情，但正正是這些經歷或犯錯，造就他現在的改變，「節目中我係真誠咁同每一位交流，我相信每位女神同參加者都係。鏡頭前我哋認真盡力參與、鏡頭下我哋係朋友，會傾唔同嘅嘢，只係節目時間有限，大家未必有機會睇到更多。所以無論你係支持邊一位，我認為都冇需要惡意去中傷攻擊其他人。最後，多謝一直支持我嘅人希望大家繼續好好享受呢個節目。」

（即時娛樂）