女神配對計劃｜李芷晴曾單戀男生5年 最後慘遭劈腿收場

無綫戀愛綜藝真人騷《女神配對計劃》，昨（6日）晚播出第5集，本集與組員「三角枱約會」的女神，有李芷晴（Stephanie）及羅毓儀（Yuki）。

製作組為Step三位男組員—金融分析師林焌堯（Jacob）、保險經紀劉偉強（Isaac），及西裝店老闆陳昇（Jaden）設計的關鍵字回合考驗為「口味」、「冧」及「舒服」；最後一關的「舒服」回合考驗，不但Step對有大幅度身體接觸感到驚訝，就連3位男士分別出現面紅、顫抖及嚇到向後傾等小動作，Step最後選了會反將頭枕向自己的Issac，他成為Step主菜飯腳！

與Issac用餐期間，Step向3男開出難題！Step自爆喜歡吃澱粉質，並忽然感嘆：「我咁樣長此落去，突然重到200磅，大家接唔接受到？」Issac聞言：「你減到嘅。」Step事後對此即扁嘴謂：「人老珠黃好難避免，係咪到時你會冇咁鍾意我呢？」此時Jaden突然搶韁：「你幾肥我都鍾意嘅！」冧到Step甜笑。

Jacob因為贏出第一及第二回合，可與Step共享甜品時光；至於同樣贏得Step不少好感的Jaden，則因為吞蛋及不是Step保護名單之人、而要跌入危險區，面臨被淘汰危機。Step之所以選擇保護Jacob的原因相當窩心：「因為覺得佢比較安靜啲、怕醜啲，好似需要畀人保護多啲。」

當發現賽果不似預期時，Step感到內疚：「喺暱稱（第二回合挑戰）度應該畀機會佢（Jaden）。」說到Jaden，確是好人兼有心，不但全程對對手盡是風度，為了表達對女神誠意，更親手為Step親手縫製了一條小方巾：「希望佢有時都可以袋喺身」，勁爆Sweet！

Step與Jacob共度甜品時間時，雖然都是主導居多，但Jacob在Step引領下說話量激增；Step坦言自己Love Language是physical touch：「要纏住、掂到、攬住，即係我會感受到愛嘅嗰種來源」時，Jacob聞言即指自己也喜歡黐身型女友，並希望對方想了解自己，頓時令Step加分。

2人又開心Share昔日戀愛故事，Jacob問Step對上一次分手原因時，Step指問題可能在於自己黐身：「可能我好黐身，但對方係事業型嘅人，佢一個禮拜最多淨係可以見到一次，咁咪會好辛苦咯。」雖然該段感情已是過去式，但Step說時帶點哽咽，並反問Jacob戀愛經歷及初戀年齡，Jacob亦老實回答：「我？第一次拍拖喺U（大學）…中學真係冇拍拖，因為阿爸阿媽都唔鼓勵。」當Step追問：「你真係因為阿爸阿媽？」時，Jacob表示：「真係會鬧嘅！」乖仔又聽話。

之後Jacob問Step中學是否已很多戀愛經歷時，Step急忙否認，並自揭曾為了一個男仔，由中一展開了5年的暗戀生涯，可惜最終慘遭劈腿：「我初戀就係我Form 1暗戀嗰個男仔，暗戀到Form 5，我記得係自己主動add佢嘅social media，只要佢一上線我就Hi，但（喺埋一齊後）好短時間我哋就分開咗，我唔知佢係一直有另一個女朋友定點，總之佢有另一個女仔。」雖算是陳年往事，但Step重提這段初戀時，雙眼依然有著熱戀的雀躍及失戀的傷痛，難怪她自封「戀愛腦」。

（即時娛樂）