旺角CAFE推Jellycat風甜品！必試香港限定菠蘿包Bagel+開心果麵包！即睇Jelly甜品MENU！
香港麵包｜+bread推Jellycat風格甜點！主食、可愛周邊全攻略！
各位甜品控同埋鍾意可愛嘢嘅朋友仔，有好消息益你哋啦！香港人氣健康手工麵包店「+bread」，最近推出咗全新嘅「Jelly系列」麵包甜點，款款有可愛表情，超萌可愛！除咗有打卡必備嘅超得意造型，+bread仲將港式情懷融入麵包，推出香港限定嘅「菠蘿包Bagel」同埋「楊枝甘露日式麵包」，真係又睇得又食得！最驚喜嘅係，+bread唔止麵包甜點出色，連主食同飲品都有驚喜，仲有超多可愛周邊等住你帶返屋企！想知邊度買到？有咩必食？跟住《香港人遊香港》即刻睇晒呢個Jelly系列有幾吸引，同埋其他必試產品啦！
延伸閱讀
【荃灣美食 】餅店推出$1/粒「全港最平」麻波波！4款口味街坊瘋搶薄荷朱古力/士多啤梨口味
【荃灣美食 】必比登推介！泰籍主廚主理！必食招牌咖哩金麵 不加一滴水純椰汁製作！】
+bread Jelly系列麵包！香港限定菠蘿包Bagek有幾正？
「+bread」一直以健康手工麵包做主打，今次新出嘅「Jelly系列」將可愛表情融入麵包，真係睇到人心都融化！講到必試，點可以錯過佢哋為香港人特別設計嘅「香港限定菠蘿包Bagel 」（HK$28）！你無聽錯，係菠蘿包同 Bagel 嘅完美Crossover呀！酥脆鬆化嘅金黃菠蘿脆殼，包住Q彈有嚼勁嘅紐約式 Bagel ，一啖咬落去雙重驚喜，口感層次豐富到震！
除咗菠蘿包貝果，仲有「楊枝甘露日式麵包」（HK$32），芒果控一定會尖叫！鬆軟嘅麵包體，配上滿滿嘅芒香內餡，甜而不膩，真係無法抵抗佢嘅可可愛愛！另外仲有酸酸甜甜嘅「藍莓 Bagel 」（HK$38）、濃郁香醇嘅「開心果日式麵包」（HK$34），同埋有小腳丫造型嘅「斑斕椰子 Bagel」（HK$38），綠色嘅斑斕椰子餡清香唔膩，每款都係視覺同味覺嘅享受！
+bread其他必食甜點
除咗萌爆嘅Jelly系列麵包，「+bread」仲有好多其他招牌甜點都好受歡迎，值得你試埋一份！好似「開心果流心麻糬撻」（HK$32），濃郁開心果香配埋流心麻糬，口感超豐富！仲有經典嘅「法式經典可麗露」（HK$32），外脆內軟，充滿香草蘭姆酒香。近期大熱嘅「開心果麻糬」（HK$36）都係人氣之選！
+bread不只麵包甜點 ！主食飲品樣樣得！
以為+bread淨係得麵包甜點咁簡單？少年你太年輕了！原來佢哋連主食都一樣有驚喜！人氣爆燈嘅「慢烤露西瑪麗香草春雞」（HK$158），烤到隻雞金黃香脆，入面肉質又嫩又多汁，香草味超濃，難怪咁多人推介！想食意粉？仲有「意式番茄闊管意麵」（HK$88），酸甜適中，麵條口感煙韌，絕對係個高質選擇！ 佢哋嘅杯裝飲品竟然可以印上可愛嘅表情符號圖案！一杯杯笑晒口嘅飲品拎上手，真係飲都未飲都已經心情大好！
太子、朗豪坊、油麻地！+bread可愛周邊同門店詳情
買完好西，梗係要帶返啲得意嘢返屋企啦！+bread唔止有Jelly系列麵包，仲推出咗一系列可愛表情圖案嘅周邊產品，例如公仔鎖匙扣、杯碟等等，件件都咁可愛，包你忍唔住手想帶晒佢哋返屋企！擺喺屋企或者office，日日見到都開心啲！
常見問題
+bread嘅Jelly系列麵包有幾多款？有咩口味？
目前Jelly系列有7款麵包：香港限定菠蘿包Jelly貝果、楊枝甘露波波Jelly日式麵包、Jelly 貝果-藍莓、開心果波波Jelly日式麵包、Jelly 貝果-斑斕椰子。
Jelly系列麵包甜點嘅價錢係點？
Jelly系列麵包甜點價錢由HK$28到HK$38不等。
+bread邊間分店最方便去？
太子、朗豪坊同油麻地都有分店。太子店同油麻地店都係港鐵站出口附近，交通方便；朗豪坊店就喺商場內，行街順便買就最方便啦！
+bread
太子門店
- 地址：旺角太子道西157號10號店
- 營業時間：9:30 AM – 9:00 PM
- 交通：港鐵太子站B2出口，步行約2分鐘。
朗豪坊Pop-up店
- 地址：朗豪坊L4
- 營業時間：11:00 AM – 9:00 PM
- 交通：港鐵旺角站E1出口，直達朗豪坊。
油麻地門店
- 地址：油麻地窩打老道3B
- 營業時間：星8:00 AM – 10:00 PM
- 交通：港鐵油麻地站C出口，步行約1分鐘。
文字：香港人遊香港