阮民安涉超市盜竊被捕後fb發文 提醒購物後記得拎單

現年45歲的阮民安（Tommy）昨天（18日）涉嫌於超級市場盜竊約值140元零食，並管有屬於一張不屬於他的信用卡，被警方拘捕。Tommy今晨約8時半在facebook發文，強調購物後記得拿取收據。他說︰「放心，我無穿無爛，噚晚早瞓仲瞓得都幾冧吓。今朝我想講4隻大字，記！得！拎！單！14蚊好，140蚊好，1400蚊都好！都，記！得！拎！單！原來有起事上嚟，單係咁重要！」

對於被指身上管有屬於一張不屬於他的信用卡，Tommy表示︰「想同嗰位擺咗張信用卡喺我度嘅朋友講一億萬句唔好意思，因為要您夜麻麻親身過嚟差館幫我澄清番。無辦法啦，今時今日『差人哥哥』點會信我講嘢㗎~ any肥，下次大家漏低嘢唔好再叫我袋住先，可以好大鑊㗎！」

警方昨天表示九龍城警區特遣隊於下午約5時在土瓜灣展開反罪惡巡邏期間，在馬頭角道一超級市場外認為阮民安形迹可疑，遂上前截查。經調查後，人員指他涉嫌在超級市場內盜取11件共約值140元的食物及飲品，以涉嫌「店舖盜竊」拘捕，案件交由九龍城警區刑事調查隊第八隊跟進。阮民安當時身上有一張不屬於他的信用卡，他聲稱信用卡屬於其朋友，警方其後聯絡卡主到場協助調查。

（即時娛樂）