Tyson Yoshi新娘化妝師遺失架生掀罵戰　本尊霸氣鬧： 你嘈咩！

歌手Tyson Yoshi同新婚太太Christy日前在意大利舉行一連3日浪漫婚禮。Tyson昨晚Po了「愛的紋身」靚相，圖案以「TC」緊扣而成，除二紋埋結婚日期和地點以作紀念外，還有金句「We Against The World（我們一起對抗世界）」

不過TC婚禮的小插曲引起網民罵戰，事緣Christy的化妝師Daniel日前分享因航班問題，化妝箱「滯留」瑞士，惟有在意大利買過一Set全新的化妝品補鑊，好彩得到Christy體諒才完成「不可能的任務」。Christy亦轉貼Daniel短片話：「意外冇人想發生，婚禮順利完成，好滿意。所有人見到Daniel好幫手，有你幫手好放心。」

其後另一新娘化妝師Jacky Ip就發文質疑Daniel沒有Hand Carry化妝品是不專業的行為，並表示：「唔係好明連呢啲唔專業嘅低級失誤嚟博流量為乜。」Tyson忍唔住回應話：「我覺得化得好靚喎，你嘈咩？咁你唔X啲地勤？」當Jacky解釋何謂專業操守後，Tyson爆Seed：「化妝師專業操守會會長，你都係想搞到人哋冇工開啫，唔好咁正義啦。」事件引發不少化妝師和網民激烈討論，Tyson最後回應話：「圓滿結束，開心事。意外，意料之外，明明係地勤嘅責任 … 點解要鬧佢🤣 最尾解決到咪得囉！經一事長一智，下次咪行李跟身囉！唉，真係多嘢講😮‍💨得啦得啦！你好有經驗啦！你叻啦！畀個獎你！」而Jacky亦表明不會因為有不同聲音而刪Po！

東網網站 : https://on.cc/東網Facebook專頁 : https://www.facebook.com/onccnews/