周吉佩廣州首度開騷 玩泡泡槍 「喊包」眼濕濕重聚舞台

《中年好聲音》冠軍周吉佩（吉吉）在廣州增城舉行《周吉佩夏日音樂會》，今次是吉吉首次在廣州舉行音樂會，全程又唱又跳，先以《Para Para Sakura》打開序幕，更出動私伙泡泡槍射向觀眾，令全場氣氛升温，之後他連續唱出多首經典金曲《夏日寒風》、《我恨我痴心》、《餓狼傳說》。吉吉邀請兩位戰友顏志恒與魏嘉信，擔任特別嘉賓，重現「喊包三兄弟」，3人合唱比賽時的作品《燕尾蝶》，引發全場沸騰。

3位合唱《最佳損友》後，有一個互動環節，雖要互爆對方秘密，吉吉大爆：「魏嘉信平時只報喜不憂，希望你唔好咩都唔講。Benson（顏志恒）就成日唔瞓覺，好擔心你身體。」

吉吉眼濕濕讀出深情對話：「Cris（魏嘉信），你係我朋友中接近最好嘅一批，你嘅好係一個字形容得晒，就係真！唔好成日怕唔好意思，有心事一定要搵我哋傾，出面人未必明，但我哋一定明！放心，無論將來係點，我哋喊包大佬同細佬一定撐你撐到底；Benson，同你嘅相識可以話係相逢恨晚，我哋3個之中最感性嘅係你，最表達嘅係你，對唔住我成日缺席大家嘅聚會，有時如果唔係你嘅主動，大家未必成日會見或保持到聯絡，不過我唔會變，要辛苦你繼續維繫大家感情。對住你，唯一得一樣嘢叫你做嘅，就係希望你多啲瞓覺，唔好捱咁多夜，鐵人都會倒下。」吉吉透露希望3人能共同舉辦專場演唱。

其後吉吉繼續唱出多首個人作品《你是我唯一的》、《GUTS》、《Money》、《Falling for you》、《第三人生》。繼香港、澳門和廣州演唱會之後，吉吉已期待帶歌迷前往更多地方演出：「期待再同佢哋出發去其他地方，例如馬來西亞，因為想去食榴槤！」9月底他出發加拿大登台，吉吉表示將留廣州數天，帶家人放下暑假，吃喝玩樂一番。

（即時娛樂）