【廚房衛生】港媽出Po大呻工人姐姐不衛生 疑亂用砧板致女兒屙超長罕見寄生蟲
食材衛生不能忽視！近日，一名港媽在網上指出女兒在排便時排出超長白色寄生蟲，經檢查後懷疑是吃了生豬肉所致。港媽認定造成這起事件正是來自於家中外傭的衛生問題所致，並指出外傭經常把小朋友的餐具放在處理生豬肉的砧板上，而且也經常出現食物煮不熟的情況。港媽十分無奈，惟po文問網民是否應該解僱對方。
Photo from 示意圖 非當事人
時隔2日才把女兒屙寄生蟲事件告訴她
日前，一名港媽於Facebook群組發文，表示自己新聘請的外傭入屋至今已有2個月，但其衛生問題很嚴重，「表現一直麻麻，好唔衛生。根本就係一個求其同埋俹簁嘅人」。直到上周五（6月30日），該外傭告訴港媽，曾在前天（28日）發現港媽的大女兒排出一條白色的寄生蟲。港媽聽到後質問外傭為何隔了2日才告訴她，外傭回應指「唔記得」。
醫生：罕見寄生蟲只出現在落後地方
得知女兒情況後，港媽立即帶著女兒求醫，醫生表示需要排急症。在等待期間，港媽因好奇寄生蟲的來源，於是向醫生查詢。醫生反問「小朋友係咪唔喺香港住，話香港好少有，通常係啲落後嘅地方，同埋多數係食咗生嘅豬肉」。後來排到急症室，醫生更以港媽女兒為病例，「叫啲護士過嚟研究吓下大家學吓嘢」因為香港真的少有出現。種種原因，都讓港媽覺得「罪魁禍首」就是來自於外傭的衛生問題。
即睇更多人氣文章：
【81歲盧海鵬近況】心臟通波仔後養成運動習慣 跟發哥慢跑健康好轉、腳痛改善
【濕疹治療】嚴重患者或涉基因突變 港大醫學院證新藥有效 21歲試藥後皮膚變滑長高20cm
列出導致女兒感染寄生蟲的原因
港媽之後列出外傭各種「罪證」，指外傭曾把小朋友食熟食時使用的餐具與剪刀放在切生肉的砧板上，而且旁邊還有兩塊生豬肉。對此，港媽曾和外傭說明衛生問題，外傭仍「死口唔認」，「要我拎個砧板畀佢睇，先至話用水洗過」。港媽亦指出外傭的個人衛生意識也十分差，除了在煮食上經常會出現未煮熟的食物，還會經常「捽腳指」，這些行為無疑就是導致女兒排出罕見寄生蟲的主要原因。
網民：應該儘快解僱
事已至此，原本港媽無奈只是詢問網民意見「唔知道應唔應該炒佢，請問大家會唔會留呢個工人？」，未料大家都認為外傭的工作表現與衛生意識已經造成嚴重問題，應該盡量快解僱，「留不得！我相信呢度冇一個人接受到」、「我接受唔到衛生咁差，蟲都出現埋，我會請過新的」，還有人分享自己相同經歷「工人真係好垃圾，我都一樣叫佢切生果用另一個砧板，都係唔聽㗎，睇少眼都死」、「其實我工人都試過生熟食物用同一塊砧板，因為我細仔九個月大急症屙血入咗仁安，之後種菌發現有五種菌喺血便入面，其中一種係霍亂唔知咩型的菌，我個兒科醫生都話喺香港做咗十幾年都未見過喎，因為通常來自生肉或者唔乾淨嘅食水，仲有沙門氏菌，同埋唔記得乜嘢弧菌了…所以真係要好小心」。
延伸閱讀：
【寄生蟲作怪】10歲女孩長期反覆腹痛 醫生揭闌尾中有條白色肥美寄生蟲
延伸閱讀：
【寄生蟲感染】泰國男子最愛生食牛肉 竟痾出長達2米「肥美」寄生蟲
Text : UrbanLife Health Editorial
Photos : UrbanLife Health Editorial、網上圖片
View this post on Instagram
A post shared by UrbanLife Health 健康新態度 (@urbanlife.hk)