孖徐濠縈同場攬攬 何超儀懸紅100萬「緝兇」：話我停工陪老公

何超儀今晚（18日）出席時裝品牌活動，她感恩該品牌邀請她出席活動，她透露原來有人散播謠言，指她要停工陪伴患病的老公陳子聰，她說：「早前我先生（陳子聰）唔舒服，點解乜嘢活動都冇邀我出席，意外地發現有人幫我同公關公司講，話我要停工陪老公。」

何超儀現正懸紅「100萬」「緝兇」，她笑說：「畀我捉到會懲罰佢，下場衰過《維多利亞壹號》10倍，我都係幾個星期前先知道呢件事，𠵱家同粉絲一齊捉佢，我唔知佢係乜嘢用意，唔知佢係戇居、好心定黑心。」

超儀透露與老公本月29日起程赴美國就醫，逗留1個月便返港，她說：「我只停工1個月，12月初返港出席音樂節，老公會同我一齊返港，齊上齊落。」

說到與曾被她指有「分享症」的徐濠縈同場，她說：「過去攬下佢，好耐冇見。上次見面已是3年前出席髮型師生日派對，當時我哋合唱《千個太陽》。（俆濠縈有沒有慰問陳子聰？）她都擔心我老公，有慰問。」

（即時娛樂）