譚俊彥姚子羚踩過界　步步高「Sing」發力開個人騷

視帝譚俊彥（Shaun）與姚子羚在馬年齊齊步步高「Sing」，Shaun重燃個人騷那團火，今年相繼在美國開唱。子羚則希望迎接首個個人音樂會，講到拍拖，她稱對自己有信心，暫時不用動用「金牌媒人」林盛斌介紹筍盤。

藝人譚俊彥與姚子羚農曆新年工作以外，會留港陪伴家人過年。入行多年的Shaun原來是首次主持賀年節目，能夠與市民接觸，相當有新鮮感，他說：「過年會同長輩、老表林曉峰、林海峰、林珊珊一齊喺屋企團拜，好多人好熱鬧。個女嘅要求唔想叫外賣，想要我煮，話我煮啱佢心水，所以都會下廚，煲雞湯、煮婆婆傳授嘅上海菜，雖然忙碌，但係都開心。」子羚則指近年隨着父母年紀漸大，特別希望過年能夠陪伴左右，新年「胡說八道會」姊妹則會到胡杏兒屋企拜年𢭃利是，當然目標是向新婚的胡定欣𢭃雙封利是，喜氣洋洋。

生肖同屬猴的Shaun與子羚皆指去年犯太歲，健康也出現小問題，覺得馬年最重要是身體健康。工作上則不約而同會在唱歌上多作發展，子羚指今年會有新劇《玫瑰戰爭》推出，相當期待，拍劇以外會多嘗試唱歌，她說：「上年開始多咗登台唱歌，同張振朗喺廣州開咗音樂會，希望新一年可以舉行個人音樂會，公司都有提出，但自己想有充足準備先，因為個人騷需要好多時間練歌、綵排。」面對製作減少的大環境問題，她指現在一年拍一至兩套劇，反而有時間做喜歡的事情，可以唱歌，亦有意做生意，有計劃投資幕後製作，作不同發展。

Shaun滿意去年有劇集《麻雀樂團》和《新聞女王2》推出，亦特別要多謝李麗霞（黑妹）邀請他到美國登台，重燃他舉行個人騷的那團火：「3月會去美國登台，之後美國仲會有幾個騷，上天對我好好，細個學嘅英文歌可以大派用場。」經營西餐廳的他則感恩去年破紀錄好生意，但暫時無意擴充，希望做好自己的味道，情願一班長情熟客經常來幫襯。

唔急搵林盛斌做媒

去年與徐偉棟傳緋聞的子羚似乎未有更進一步發展，問到可會效法好姊妹胡定欣找「金牌媒人」林盛斌（Bob）介紹「筍盤」﹖她笑說：「阿Bob好忙，佢要幫陳庭欣搵。我冇搵阿Bob，暫時對自己有信心，希望唔使出動阿Bob，但係如果佢同我講有個好好嘅男仔，好適合我，可以做吓朋友先。」對於「閃婚」，她指以前可能不會，但到了現在的年紀也並不出奇，但認為比起結婚，更想有一個可以一起走下去的伴侶，她笑說：「遇到先得，冇得求其搵個人結婚，我又麻煩，頂得我順都唔容易。」

場地：頂好海鮮酒家

東網網站 : https://on.cc/東網Facebook專頁 : https://www.facebook.com/onccnews/