農曆新年2026｜港女誤派500元利是給保安 列出兩選項向網民求救
經典港產片《富貴再逼人》有袋利是口訣「一百蚊紙頂心口，十蚊港紙扎褲頭，大餅硬嘢最就手，一蚊美金摸籮柚」，提醒家人勿派錯銀碼。現實中當然也會派錯利是，一名港女就誤派500元利是給保安，向網民求救。
列出兩選項向網民求救
該名港女在社交平台Threads分享新年尷尬事，指不小心將家人給的500元大鈔利是，轉送了給保安員。她列出兩個選項問一眾網民的意見，A是「去同管理員講比錯咗，比另一封利是比佢」，B是「大方啲， 比都比咗」。
大多網民支持選項B，指「俾利是同潑咗出去嘅水一樣，收唔返，當教訓唔好咁大頭蝦，否則俾看更講足幾年，最重要係封利是隨時已經拆咗，邊肯俾返您」；「你要諗派得出去就自然賺得返，開心錢嚟」。萬一事主堅持選擇收回利是，有網民亦獻計，指「如果係A嘅話，你應該話入面係吉嘅，比錯咗」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)