李駿碩花7位數身家自資拍戲　自爆1原因「馴服」吳鎮宇

憑自資兼執導電影《眾生相》成為出爐台灣金馬獎最佳導演的李駿碩（Jun）近日接受電台訪問，他曾執導談跨性別的長片《翠絲》，繼而於2021年自編自導憑吳鎮宇主演的《濁水漂流》揚名，他坦言雖然《眾生相》成本是《濁水漂流》的十分之一， Jun也沒預計過找投資者會是如此困難：「《濁水》之後我以為搵投資者易啲，敲過好多公司門，亦去過好多創投，但可能因為同志題材，太多裸露鏡頭，大家會覺得市場窄。」Jun最後尋獲一位好友合資150萬，作為大股東的他不諱言近7位數的資金，是他入行以來做電影幕後儲下來的全副身家：「係入行咁耐儲咁耐，我都有做其他監製同剪接，一路儲錢就係為咗將來如果有一個project係非拍不可，即使我蝕晒我都做到一部。我男朋友係演員，雖然佢客串過《濁水漂流》，但咁多年未算真正合作過，我係好想有一部作品有佢。」

講到入行便執導《翠絲》，他自覺好彩：「劇本寫好晒，有齊導演演員，但因為導演突然有其他發展，我係好彩，廿幾歲就有呢個機會。」不過，他坦言執導《翠絲》是人生遇到最困難的事：「因為我新，好多嘢唔識，體力消耗好大，所有嘢都係錢，拍咗19日，遲少少都好似令大家破產咁，精神冧冧地，成日質疑自己係咪適合做導演。」至於拍第二部預算及卡士更大的《濁水漂流》時，他反指覺得較輕鬆，更指男主角吳鎮宇沒想像的氣場大：「就連副導都估唔到吳鎮宇好錫我，對我特別好！不過因為開拍前，鎮宇事先同我講：『我現場好燥底，你最好剃鬚，當我見到你咁後生，我就唔捨得鬧你。』佢真係咁同我講，其實我之前拍《翠絲》留鬚，我得26歲，唔想畀人覺得我太後生。」

東網網站 : https://on.cc/東網Facebook專頁 : https://www.facebook.com/onccnews/