全新涮涮鍋湯底：奈良海膽湯、伊勢海老龍蝦湯🦞🇯🇵 [ NIKUSA肉佐 ]

銅鑼灣呢間日本🇯🇵關東風壽喜燒專門店主打5款放題套餐，Lv5套餐無限量追加宮崎縣產「貴族の牛」A5黑毛和牛🐮。此外Lv4、Lv5套餐可以升級2款全新推出「飲得」嘅涮涮鍋湯底：奈良海膽湯、伊勢海老龍蝦湯。

✿ (150分鐘) Level 5 超豪快極上放題菜單
成人每位$688、小童/長者 每位$588

涮涮鍋湯底🍲
除咗招牌壽喜燒醬汁，新推出兩款「飲得」嘅湯底：奈良海膽湯、伊勢海老龍蝦湯 (每枱+$68/鍋)。

前者呈現出金黃嘅海膽色澤😻，上桌時店員會將海膽放入湯中煮溶，熱海膽湯鮮甜度高而不帶腥味，飲返碗湯先食涮涮鍋！

涮涮鍋肉類🇯🇵🥩
無限量追加日本宮崎縣產「貴族の牛」A5 黑毛和牛西冷/肉眼/牛展、山形縣產 藏王牛 上肉 及 赤身肉、和牛牛舌等，和牛肉色粉嫩、油花精美，牛味濃郁甘香。

涮涮鍋海鮮🇯🇵🦪🦑🦐
無限量追加日本廣島蠔、日本帆立貝、日本魷魚、海蝦、磯煮鮑魚等，用料高質。

熟食🍢
「厚切牛舌檸檬」👅外皮香脆，牛舌心呈粉嫩顏色，口感爽彈，肉香濃郁醇厚。

15 款即叫即做串燒，推介醬油燒帆立貝、大葱燒和牛串、塩燒手羽先，有居酒屋串燒質素。

壽司🍣
每位食客送高質壽司拼盤一份，有大拖羅/ 中拖羅、赤身、油甘魚、珍寶赤蝦、鯛魚、三文魚腩壽司各一件。

另外可以無限量追加藍鰭吞拿魚、油甘魚、炙燒和牛等20款壽司，選擇眾多。

刺身🐟
每位食客可獲香箱蟹1隻或時令刺身。另外任食刺身有季節魚、帆立貝、三文魚。

甜品🥧
有自家製作招牌日本梳乎厘班戟及多款日式甜品，包括焦糖燉蛋布甸、日式水果果凍、抹茶奶凍、日本蕨餅。

飲品🍻
任飲罐裝酒類，有幾款日本農園果汁汽酒同埋Asahi啤酒🍻。

✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
NIKUSA肉佐
地址：銅鑼灣登龍街1-29號金朝陽中心二期 - Midtown 8樓
電話：39969844
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

▼Follow konglui.food 港女食好西
Instagram: https://www.instagram.com/konglui.food/