李佳芯素顏狀態抵抗生圖合照　真人靚到識發光

女神李佳芯（Ali）上月剛過43歲生日正日，回復自由身嘅佢，近月都成日飛嚟飛去拍新劇，自然就被網友於機場偶遇，一向係宅男女神嘅佢，今次素顏出行令佢真實面見曝光！有網民出post狂讚：「搭飛機見到女神，落機突然見到佢行到我隔籬，即刻鼓起勇氣問可唔可以影張相，跟住一邊行一邊快影咗一張，Ali真係好靚🥹真人好高皮膚好好。」大爆Ali比169cm身高嘅網友自己更高，成功吸引到大批網民分享自己昔日偶遇李佳芯嘅經歷。

有網友公開女神皮膚狀態，有網友留言表示：「佢真人係絕對靚過上鏡好多倍！有年係巴黎撞到佢食晚飯😂第一眼望係見到個好靚女好sharp嘅女仔，靚到遠處一望就見到，皮膚勁好識發光。」亦有好多網友留言大讚Ali：「睇個面相就感覺到佢好善良」、「勁癲，佢似廿幾歲，好靚女」、「她毋須濃妝艷抹，淡淡的妝都已經顯得很漂亮了。」。

東網網站 : https://on.cc/東網Facebook專頁 : https://www.facebook.com/onccnews/