張家輝生日Nice出新高度　獲連環集郵曝真實人品

影帝張家輝愛周圍去，夠貼地嘅佢成日都被網友偶遇，更係完全冇巨星架子，親民合照有求必應，估唔到佢Nice爆舉動再出新高度！前日（2日）係張家輝61歲正日生日，，有多名網友於社交網分享偶遇張家輝嘅合照，其中一位網民指自己等張家輝食完飯埋單時先過去合照，大讚男神人很好，立刻同意之外仲簽埋名。另外又大讚張家輝親民友善，人品好嘅佢又被另一位網友大讚真人好溫柔，足見佢真實人品極好。

相中見到張家輝身穿黑色衛衣、戴上黑色cap帽，打扮低調，同友人用餐嘅佢雖然獲粉絲連環要求合照，佢都展現親切笑容，加上當日正好係佢生日，難怪男神心情特別靚，咩要求都通通滿足。

東網網站 : https://on.cc/東網Facebook專頁 : https://www.facebook.com/onccnews/