龍婷衝出香港悉尼開騷　粉絲買機票應援

「中年好聲音」歌手龍婷爆出「Hello Kiss」事件，一度傳被無綫雪藏，但近期終於重見天日，除有機會到湖北拍攝綜藝節目《養生之旅》外，更衝出香港將在澳洲舉行演唱。

日前她飛抵當地出席記者會，她表示多謝主辦方邀請：「希望大家能夠多多支持，唔止可以喺悉尼開個唱，日後大家多多關注我，最後希望透過歌聲講畀大家知我內心嘅想法。」

她又說423是其幸運密碼，她說：「因為2017年4月23日係我首次喺街頭演唱嘅日子、2023年4月23日又係《中年好聲音》總決賽，時至今日2025年4月23日係我嚟澳洲舉行演唱會記者會嘅日子，所以呢個日子對我意義重大，見證咗我成為歌手嘅日期。」而記者會上，除有澳洲粉絲出席支持龍婷外，亦有來自香港的粉絲專程搭飛機到記者會為她應援。

東網網站 : https://on.cc/東網Facebook專頁 : https://www.facebook.com/onccnews/