盧瀚霆陳漢娜超長火辣床戲　瞓身露點神徒反應兩極

由MIRROR成員（Anson Lo）及呂爵安（Edan）主演、翻拍韓劇的《社內相親》今晚（12月15日）將播出大結局。港版《社內相親》加入不少香港元素，但劇情跟足韓版，就連親熱戲的激烈情況都相若，昨晚播出的一集就由Anson Lo和陳漢娜復刻韓版的火辣床戲。

第14集《社內相親》播出Anson Lo和陳漢娜全劇最火辣的親熱戲分。劇情講到爺爺羅家英落令要Anson Lo和陳漢娜分手，兩人在碼頭重遇後，陳漢娜跟隨Anson Lo回到住所。

Anson Lo與陳漢娜上演一幕長達分半鐘的親熱戲，跟足韓版劇情，Anson Lo抱起陳漢娜接吻，之後Anson Lo脫去恤衫赤裸上半身瞓身露點，但陳漢娜卻只除去外套。

昨晚播出劇集後，不少神徒（Anson Lo粉絲稱呼）在不同平台留言，在ViuTV的官方專頁下，大部分都是正評，如「大隻Timo好吸引，跪求有加長版同bts」、「要睇Timo Hollie uncut version 啊！」、「Timo 男友力max」等等。

有人覺得甜，當然亦有人覺得酸。在神徒開設的公開群組中，有人開帖文，問「可唔可以講句說話安慰下我」，有神徒留言「我哋係咪失戀啦」、「簡直覺得LoLo好難受」、「其實求其少少幾個鏡頭咪算囉，駛乜錫咁耐喎」等，亦有人留言叫「大家放鬆啲啲」。