歌手吳若希昨晚（28日）出席《萬眾齊心公益金》慈善騷，剛踏入30歲生日的她，笑稱自己早入行，是童星出身，她説：「好開心成班朋友搞Party同我慶祝，原本主題係着旗袍，但唔夠時間搵唔切旗袍，所以改着校服，諗住最快最易搵，但因為太晏賣校服嘅舖頭收晒，我就去啲女性內衣店搵，但啲裙實在太性感太短，最後我喺屋企搵咗條格仔裙扮校服。（着校服冇違和感？）好襯吖，我仲係好少女嘛，老公爭少少囉，佢扮PE阿Sir。（PE阿Sir有冇懲罰你？）佢夜晚好想懲罰我，哈哈，不過嗰晚玩得太夜佢冇懲罰我。（佢點懲罰你？）我瞓緊覺佢好興用手踭批我。」她指早前於社交網發布「開始吃苦瓜」的長文，其實是有關她與舊愛的故事：「當年同一位追求者嘅約定，人生去到一半要一齊食苦瓜。」
她表示近期正忙於拍攝真人騷節目《女王的密令》，伙拍麥美恩作主持，與一班年輕人互動接受挑戰：「好好玩，今次撇甩咗森美大哥同丁子朗，得兩姊妹合作，好有火花。」
東網網站 : https://on.cc/東網Facebook專頁 : https://www.facebook.com/onccnews/