根據Fabrizio Romano嘅報導，曼聯終於達成今個夏天第一個轉會收購，曼聯將以5500萬鎊+500萬鎊浮動條款簽下車路士球員美臣蒙特(Mason Mount)，雙方將會簽約五年至2028年，藍戰士一代青訓下「車」🚙
現時24歲嘅美臣蒙特(Mason Mount)出身於車路士青訓，由球會名宿林柏特帶起並聲名大噪，21/22球季係聯賽交出11球10助攻嘅雙雙數據，風頭一時無兩，不過今季蒙特隨住整隊車路士一齊狀態向下沉，24場聯賽只有3球2助攻，加上傷患困擾缺席比賽，令到美臣蒙特成為「四不像」🥲
隨住車路士嘅大換血，加上續約不成，蒙特係季尾已經肯定大機會會離隊，其中曼聯對佢興趣最大，起初車路士獅子開大口對外標價8000萬鎊，但球員只剩餘一年合約，最終雙方以5500萬鎊+500萬鎊add-ons完成交易。
車路士一方面收取資金可以解決FFP危機，亦同時可以投資係收購白禮頓中場卡斯度(Moisés Caicedo)。至於曼聯得到蒙特能夠增加中場深度同Box-To-Box嘅人選，攻守俱佳嘅佢有助曼聯面對漫長嘅賽季。曼聯方面比較值得慶幸嘅係完成第一簽，但迪基亞是否續約事件同賣盤事宜都相當困擾一眾曼迷，曼聯必需要加快步伐先能夠係來季軍備競賽嘅英超站穩陣腳🥵
▼Follow 足球港場
Instagram: https://www.instagram.com/footballarena_hk/
留言 0