江若琳(Elanne)與老公蕭唯展於2018年結婚,一直想生B,直到去年尾宣布有喜,孩子將於下月出世。日前Elanne已拍攝一系列唯美懷孕寫真外,原來亦舉行了Baby Shower派對,當日兩公婆更一起在片中揭曉BB性別,片段在今日江若琳個人YouTube頻道貼出,原來她陀著男嬰,更笑指是「生煎包小王子」。
江若琳老公蕭唯展(前名:蕭潤邦)在13年前毅然放棄歌手夢,前往上海拜師學造生煎包;如今人稱「生煎包王子」,生意蒸蒸日上。江若琳去年底宣布有喜,今日在社交網宣布懷有「生煎包小王子」,可喜可賀。
江若琳上載當日片段到YouTube後,亦有在IG發文:「好多朋友仔都估中左,好叻呀你地!好明顯我都係一個陀仔樣,希望生完會消腫。」
江若琳又笑言恭喜老公夢想成真:「呢幾年你成日無限幻想第時有個仔同你去睇英超,你又話要有個仔第時培育佢踢足球。我每次都話有左先講啦,到有左既時候成日話一定要個仔。恭喜晒,你又夢想成真啦!」
Elanne續道:「登登!生煎小王子駕到!以後多個人陪你包生煎包啦!而我又多個男人錫我啦,全屋被仔包圍住好有安全感!因為我兩隻貓都係仔。」