新冠疫情持續，不少公司繼續實行WFH在家工作，與家人日對夜對，自然容易起爭執。日前一位男網民於討論區出post，指因為兒子公司實行WFH，而他因為沒有工作（網民推測可能為退休人士），所以日日在家，兒子覺得退休阿爸「生活咁頹廢」，樓主也覺得自己「冇尊嚴喺屋企生活」，相信是不少香港人的寫照！
阿仔WFH與退休阿爸日見夜見多爭執
該網民指，兒子今個月開始可以WFH在家工作，本身也預計「佢在家工作就有機會同佢多爭執」，樓主也知道兒子經常要開會，所以樓主多數時間都是留在自己房間。樓主指，自己「除咗落街食早餐同午餐，有時會同老婆出去買菜」，也因為疫情關係，以前會和朋友出去行山或者聚會，但現在都只能留在家。在家也經常無所事事，因此不時會睡午覺休息。
阿仔向阿媽投訴老竇無鬼用
原以為這樣的生活不會對兒子帶來什麼麻煩，但早前卻聽到兒子向母親投訴，指責樓主這個時期「成日落街食野，點解唔叫外賣」，又指責樓主經常在家無所事事，「只係識瞓覺，又話我鼻鼾聲好大」，影響他工作開會。更直言「唔在家工作都唔知原來老竇生活咁頹廢，只係得食同瞓，屋企嘅事都唔幫忙處理下」。
樓主心灰自覺在家生活「冇尊嚴」
樓主知道兒子的投訴後，覺得非常心灰，自言也想外出活動見朋友，但因為疫情所以只能留在家，直言「出去又比你話我出去 我喺屋企無事幹訓下晏覺都要比佢投訴」，覺得非常委屈，更指明明兒子小時候「好痴我，好聽話」，不明為何現在卻處處針對自己；又指老婆聽到兒子投訴也不幫口，坦言「自己好似冇尊嚴喺屋企生活」，於是上網訴苦。
網民：一個係廢佬，一個係廢青
不少網民見到樓主的遭遇後都深表同情，指出「好多老竇同阿仔都唔係唔夾」，樓主並不孤單；有網民覺得樓主相當失敗，「影衰晒男人」，但也有網民反擊「個仔仲要同父母同住，好失敗」，認為很多退休人士都是這樣，樓主不必灰心；但也有網民認為樓主的確是「廢」，因為兒子指責的部份不是「樓主經常在家」，而是「在家無所事事」，其實只要樓主幫忙做點家務就可以，總結「一個係廢佬，一個係廢青」，打和！
資料來源：香港討論區
留言 0