面對嚴重的疫情，有車的市民都選擇以私家車代步，而非公共交通工具人逼人。今日（24/2）有網民在Facebook群組「小心駕駛(討論別人同駕駛態度)」上發帖，圖中一名女司機因為不滿自己在馬路上做一件事被警方罰款而大發雷霆，在IG上爆粗怒轟警方「夾硬嚟」及「得閒得滯」，到底發生咩事即刻睇睇！
女司機不滿揸車做呢樣被罰錢 上網爆粗怒轟警方夾硬嚟
聲稱自己揸咗10幾年車！網民：考過啦呀姐
今日（24/2）有網民在Facebook群組「小心駕駛(討論別人同駕駛態度)」上發帖，貼出一張IG Story的截圖，圖中可看到坐在車廂內的女事主被警方截停，以下為女事主的真實內容：
「行行下比（畀）警車節（截）停左我，以為咩事，佢話小姐你違反咗高速公路條例～·你左邊兩條線冇車，你係唔可以行快線的。」女事主遂回應道「我話揸咗10幾年車真係唔個～佢話唔得㗎，你左邊要有車先得㗎！跟住唔使扣分，俾佢罰左$450～成件事我覺得好夾硬嚟，啲警察係咪得閒得滯！！」
另外，女事主在IG Story中表示「成條高速公路都冇車，咁都可以唔見咗$450」，更大爆粗口「X那星！（邊個話阿媽唔可以講粗口）」以宣洩自己被罰錢的不滿，以及不解為何被罰。
網民看到圖後就紛紛取笑事主，「咁基本都唔知，應該重新考過」、「賺到啦，揸咗10幾年車而家先俾人捉」、「10年都唔知要靠左行？」、「仲貼出嚟俾人笑？」、「X左10幾年都算, 仲要post ig 話比聽全世界知自己X」；另外有網民補充，如果高速公路三線都無車，應靠最左駛，否則行中線及快線均為違法行為，都係要罰錢㗎！
（*記者溫提：根據運輸署資料，按《道路交通（快速公路）規例》，除駛往右面出口或超車外，在快速公路上必須靠最左線行駛。超車時，只可在右邊越過。）自駕遊記得要跟返道路守則，咁就玩得開心又放心啦！
