劉鑾雄(大劉)上星期(1月4日)開記者會,在個半小時內大爆金句,其中他特別提起蕭若元,回應「蕭氏新聞台」在元旦分析大劉日前的聲明。蕭若元之後拍片反擊對方,直言「劉鑾雄已經冇新聞價值。」陶傑日前在商台節目《光明頂》稱蕭若元作「某KOL」,直指他「話劉鑾雄冇成就係人生攻擊」。
大劉早前在記者會直指蕭若元於「蕭氏新聞台」造謠,但表示不會要求對方收回言論或採取法律行動,指自己雖然有不滿,但不會找台灣朋友「探吓佢」。
《光明頂》主持人馮智政首先在節目中表示,蕭若元用一段非常短的影片去攻擊劉鑾雄是「呃like」。陶傑表示認同:「你身為一個KOL又好,才子又好,文化人又好,知識分子又好,喺呢個你嘅選材,個priority(優先)就唔應該係呢條片!唔應該講到去劉鑾雄嘅夫妻同其他感情生活,更加唔應該單方面去運用你嘅聲音權力去作出一啲有罪嘅推斷。」
陶傑直指「某KOL」對大劉的批評是公然打壓香港商人:「佢話『你一世人冇成就』,呢個係人生攻擊,劉鑾雄冇成就?」、「以為自己識幾隻字就有精英優越感,居高臨下去攻擊凡係商人同有錢人喺中國人嘅社會係冇地位嘅,呢個係公然宣揚階級歧視。」陶傑更反問對方:「我問你,文人對香港嘅出入口經濟有啲咩貢獻?」
陶傑與蕭若元去年5月曾因MIRROR而隔空開火,當時陶傑於電台節目評論MIRROR,以「12件咁嘅嘢」形容12位成員,直指MIRROR只屬虛火。蕭若元之後在其節目中力撐MIRROR並非虛火,直指陶傑是老人家不能夠接受新事物。陶傑之後在節目中公開道歉,說道:「我要同鏡粉講sorry,我冇心引個『超級燈神』出嚟,佢(蕭若元)係出於個人仇恨而買對家。」