江欣燕 接受黎芷珊邀請，擔任TVB新節目《單對單》第二集嘉賓，分享當初主動跟前夫吳積遜離婚，結束22年感情的原因，以及失婚回復單身後，如何積極自強地生活。回看婚姻生活，欣欣認為是綑綁，也曾令她為別人而活，回復單身後，她了解自己更多，不再只看重名利物質，反而享受現在的簡單生活，樂於做個陪伴媽媽的孝順女。
撰文：Clara | 資料、圖片來源：TVB 節目《單對單》、TVB.com
江欣燕歐陸式大屋曝光
江欣燕帶黎芷珊參觀祖屋江宅，一到埗，黎芷珊見到歐陸式風格的裝潢即表示驚訝：「你屋企咁鬼富貴嘅！我覺得你屋企好舒服啊！」只見屋外有街燈、獅子頭水龍喉，還有個很童話式的大花園；而屋內就有大客廳，全部傢俬用了實木，掛了水晶吊燈，有張大圓枱，可供6至10人吃飯。江欣燕話家中有很多設施都是爸爸建造。
揭主動離婚斷22年情原因
江欣燕與前夫吳積遜於2013年7月承認離婚，結束拍拖10年，結婚12年的感情。當時她沒有解釋離婚原因，有傳她前夫有酗酒、嗜賭、欠債，她需要賣車套現幫忙還債，要忍氣吞聲。
節目中，她終於揭曉分開因由，她指大家好像很開心地生活，但其實這種生活並不是她的本質，人大了，她才開始認識自己，發現與前夫之間有很大段距離：「除咗出街，我睇好多書，睇咗心靈嗰啲書，我就去搵我自己，好想了解我自己、同佢之間……成日覺得我哋太細個就入行，我拍拖太少喇，唔夠多（男朋友）去開通我，就咁死咗唔抵。」黎芷珊表示認同：「你好早已經同佢定落嚟，你好多時間畀晒佢，你都未睇清楚呢個世界。」
最後她決定離婚，回憶當日，前夫正專心看球賽，沒有特別反應，待球賽完結後才與她詳談：「係我決定『不如我哋唔一齊』嘅，佢當日無反應，睇緊波，只係『哦』一聲……」她強調從不討厭前夫：「婚姻喺心靈上係兩個人嘅一種綑綁，你又未成長，唔知自己係邊位，唔知自己想要乜。到你成長嗰陣就會覺得：『做乜嘢我要困喺度呢？』廿幾歲就要決定去到尾喎，我真係唔知自己想點，所以我對前夫有少少遺憾。我無討厭同前度一齊嘅時間，因為人生經歷好多嘢，呢個係我嘅成長，亦都多謝佢陪咗我呢廿幾年，令我眼界闊咗好多。」
感激前夫令自己敞開心房
江欣燕曾經向傳媒承認不快的婚姻生活令她過了好幾年糜爛生活，每日打麻將、行街、飲酒、夜蒲，玩到通頂，天光才入睡，日落才起床，更多次被記者拍到在街頭痛哭的相片。但她覺得自己那時候說錯了，反而感激前夫令自己敞開心房：「好似得罪嗰段日子，因為前夫係人緣好好，佢出面周遊列國識嗰啲係同我一樣，明星嚟，但係我點解同佢哋無咁熟、投契？我就嘗試去佢嘅交際世界，試吓佢嘅生活，見過吓世面。」後來，她愈來愈放開自己，願意與人交心：「我發覺飲酒有好處，可以幫我拆走我度牆，即係我唔信任人嗰度牆。以前嘅我唔會無啦啦搵個舊朋友傾偈、講自己嘢，因為我唔會同人分享心事，亦都覺得自己無乜嘢心事，我搞得掂，同你講得都係笑話。但係依家甚至乎唔識嘅人，我願意聽佢講嘢，願意畀意見。」
失婚自強 樂做孝順女陪媽媽
如今江欣燕已年屆54歲，由於沒有人養，所以會以搵錢做大前提，空閒時會陪父母散步、睇戲、去旅行，是廿四孝女兒：「我媽咪好鍾意睇戲，Daddy以前帶佢睇戲唔夠，依家每逢星期日無工人，屋企無嘢食就會出去睇戲。」母女關係親密，江媽媽亦心繫女兒，坦言想女兒飲少點酒。
經歷過失婚，她坦言會小心選擇下半世一齊的另一半，要清楚自己的需要，才找一個適合自己的人：「大個咗唔會好似以前咁，大叫『我要戀愛』就夠。感覺唔係最緊要嘅嘢，你要搵一個人，即係你要好了解自己，搵一個你鍾意佢性格嘅人，其實對方係你嘅一面鏡。嚟緊嘅人未必係老公，可能係Partner，因為婚已結過，我唔稀罕。」
留言 0