全港關注張家朗再奪金 ViuTV 意外捧紅隊友蔡俊彥 HOYTV 盲撐失分港台「神預測」判決被讚最專業

1.「香港劍神」張家朗在巴黎奧運男子花劍決賽，勇挫意大利劍手馬奇（Filippo Macchi），再奪金牌衛冕成功，引來大批港人「捱眼訓」都要觀賞決賽直播

2. 三台為谷收視，在網上、直播，以至巴黎現場都互相交鋒，充滿火藥味。而全港最留意比賽之一男子花劍，ViuTV 找來了張家朗的隊友蔡俊彥 ryanchoi 全程旁述，獲網民激讚

3. 有別於其他旁述，蔡俊彥有專業知識之餘，帶無厘頭風格，令人「耳」前一亮，雖然前期一度被批「鬼食泥」，但後期明顯進步

4. 有網民總結了蔡俊彥的「金句」，包括：「恭喜晒張家朗同教練Greg啊（主持：都係你嘅教練啊）」、「銀牌都好吖，我都想攞銀牌」、「（張家朗）條脷啲脷苔係金箔嚟，唔好話佢唔健康喇」、「個對手阿媽係勁，都唔代表個仔一定好勁嘅⋯⋯」、「雖然個燈著左，但分唔係你架，係張家朗」

5. 蔡俊彥本身係張家朗隊友，亦係呂爵安 Edan 大學室友，由於今屆港隊男子花劍團體賽失落入選奧運資格，只得張家朗獲奧運入場券，卻意外令蔡俊彥加入ViuTV 旁述為隊友打氣，令其人氣急升

6. 睇返蔡俊彥實力一啲都唔弱，港大會計系畢業嘅佢，2022年喺亞洲錦標賽個人賽取得銅牌，依家係世界排名17

7. 雖然旁述時曾有一次失言，依然無損人氣，其IG支持者已增至逾5萬，網民大讚：「無佢講解，其實有一半我都唔係好睇得明」、「條友冷面笑匠嚟」、「應該係咁多講奧運嘅主持入面，最有資格俾意見嘅人」、「Ryan你可以話佢搶口，但該中立該客觀嘅時候佢真係做得到」

8. 而張家朗關鍵決賽一幕，標榜專業旁述嘅HOYTV 卻以外失分，眾所周知，決勝分因評判多次無法判斷而重賽，但HOY TV卻「一輪咀」認為張家朗應得分

9. 雖然普遍大眾都希望張家朗奪金，但旁述不斷大叫「好明顯」、「一定係家朗」，聽到觀眾耳鳴，甚至「著白燈」都認為是家朗勝出，更一度認為裁判針對家朗，未免有失專業水準

10. 有網民就指「Hoy真係盲撐」、「越嚟越業餘」，對比TVB及ViuTV都較中肯，並未「未審先判」

11. 三台為搶奧運收視都扭盡六壬，同樣取得播放權，但冇收視壓力嘅港台電視似乎可以安心隔岸觀火，但決賽一戰「神預測」，卻盡顯專業水準

12. 港台電視於男子花劍中找來輪椅劍擊運動員余翠怡作旁述，在最後「關鍵三劍」中，首兩劍分別「神預測」：「幾乎肯定會判重打」，直言裁判不清楚就不會強行判決；而第二劍，更表明「再判同時（得分）機率較大」，為四個台之中最準！

13. 余翠怡的「神預測」被網民激讚，留意包括「咁多個台，得你地專業，人地未講，你主持都知係唔判」、「臨危不亂」、「最專業係你哋！」

14. 本身為殘奧會7面金牌得主嘅余翠怡，賽後亦為評判發聲「希望大家唔好再去人地IG係咁鬧喇，判成點，我哋可以討論既！」

15. 值得一提，余翠怡之後亦會第6次為香港出戰殘奧，出戰女子劍擊個人及團體項目，到時記得支持！

16. 再次恭喜張家朗、何詩蓓及江旻憓為港爭光

娛樂