請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

洪嘉豪首個演唱會內部認購爆滿 預告會有新驚喜畀歌迷

洪嘉豪首個演唱會內部認購爆滿。
洪嘉豪首個演唱會內部認購爆滿。
洪嘉豪一開就兩場,每場更是七千座位。
洪嘉豪一開就兩場,每場更是七千座位。
洪嘉豪預告會有新驚喜畀歌迷。
洪嘉豪預告會有新驚喜畀歌迷。

歌手洪嘉豪(KAHO)早前跟同門師弟MC張天賦㩗手開騷,嘉豪更被MC的私人助理言論暗寸,鬧出是非,幸無損兩兄弟感情,雖盛傳MC明年將進軍紅館,但KAHO卻搶先於11月在西九戶外公園舉行演唱會,KAHO迎來人生第一個個人演唱會,一開就兩場,每場更是七千座位,等同紅館兩場三面台,據知內部認購一早爆滿!

他聽到即說:「真係唔敢相信㗎!第一次聽到腳都震,爆左?我都係依家先知,慘啦,我仲有好多朋友、屋企人未落飛,我仲獅子開大口答應咗佢哋,今次一定買到飛,我點算啦。」他願望一直是想開戶外騷,能夠達成願望,他已經好開心,他希望朋友家人及由細陪他長大的歌迷,全部都可以在場一齊見證這個大日子。

早前他為演唱會影海報,主題是講循環,他說:「人生、愛情,我新歌《還原淚》都係講緊一個循環,今次想成個主題都圍繞開心歡樂,所以你見我身上都係七彩繽紛,但又有春夏秋冬循環縮影。」會否循環唱不停?他笑說:「我剩係知要堅強少少,唔好咁早喊囉。次次都畀歌迷感動到想喊,希望今次忍到。」

為了個唱他已勤力操練,但強調不是為騷肌而操:「11月都涼啦,操左之後,個人精神體力都好咗,成個人挺直咗,好鍾意呢個狀態。」由籌備開始,他覺得在舞台上真係要識雜耍一樣,他笑說:「幸好細個咩都玩下,可以預告會有新驚喜畀大家囉,跳舞當然會苦練啦,一定會跳得好過上次!」

其實拍攝海報當日有段小插曲,一向悲觀仔的他晨早起身揸車過海,以為自己會早到,點知在隧道內架車爆胎,幸好得職員哥哥來救架,開條私家路我行,轉入私家路後,一、兩分鐘轉出來就已經係汽車維修店,可以快手換呔,同事們笑他不再倒楣,不用拖車認真行運。

東網網站 : https://on.cc/東網Facebook專頁 : https://www.facebook.com/onccnews/

查看原始文章