51歲李婉華(Anita）於89年處境喜劇《卡拉屋企》當女主角初出道已驚為天人，03年在加拿大結婚後就引退專心照顧家庭，淡出香港娛樂圈，並在加拿大定居育有兩子一女。三個仔女都開始長大，李婉華可以作有限度工作，近年她在溫哥華為中文電台AM1470主持節目《小心華之里》，戲癮大發的她心思思想拍港劇，已有電視台向她招手，日前她在網上節目 《住加女人 －CanWomen》，訪問港台電視節目《頭條新聞》主持人吳志森，更口頭應承參演其中一角。
撰文、圖片：東方新地
李婉華已成三子之母 年過半百依然火辣
李婉華已是三子女之母，但外形keep得好，年過半百都唔多覺，2018年曾出山客串無綫 重頭劇《再創世紀》，與細16年的鍾嘉欣拍埋，完全冇違和感。
李婉華03年與加拿大籍金融才俊李守正秘密結婚，李婉華從此引退，十七年來家庭放第一位，一家五口生活幸福美滿。李婉華是有料之人，生完大女及一對孖仔後依然得天獨厚，早前與囡囡外遊一齊著三點式，可見美好身材盡遺傳。18年李婉華曾出山客串無綫重頭劇《再創世紀》，與鍾嘉欣有不少對手戲。
李婉華做youtuber受歡迎戲癮發隨時返港拍劇
本來修心養性做人母的李婉華，近年因為戲癮大發，再加上三個仔女都開始長大，大女17歲，一對孖仔亦11 歲，可以作有限度工作，而近年她在溫哥華為中文電台AM1470主持節目《小心華之里》，經常有香港藝人受邀上其節目做訪問，更加令她蠢蠢欲動。
03年婚後幾乎絕跡香港的李婉華，近年不時返港露面，靚樣與弗爆身材依然，51歲凍齡有術。李婉華婚後移居溫哥華多年的李婉華，最近全面開通account，更拍片及主持做直播節目，她表示因為網絡世界可以暢所欲言，她亦與時並進。據知情者透露：「Anita（李婉華）婚後將家庭放第一位，近年佢見仔女開始可以照顧 自己，老公亦開綠燈，佢先活躍起嚟。早前開始學做youtuber，口齒伶俐嘅佢一啲都冇生疏，製作嘅節目亦好受歡迎，香港有幾間電視台知道佢有意再做幕前工作，已經向佢招 手，不過Anita話大前提係唔要長時間唔要困身，因為對孖仔始終仲要人照顧，近年港台成日都開劇，佢老友鄭敬基亦拍唔少，所以佢都好有興趣，另外無綫亦都對佢虎視眈 眈，如果佢肯再拍劇一定有好大回響。」
李婉華李婉華早前在自己的網上頻道請來在港台節目《頭條新聞》中分飾「太后」、「大帥」等角色的吳志森做嘉賓，講到該節目只有男主持，女性欠奉，吳志森邀請李婉華加入演出「宮女」一角，李婉華在鏡頭前笑答︰「好呀﹗有機會就給我試，讓我做宮女，服侍一下你們。」老友鄭敬基力勸回歸盼《卡拉屋企》演員再合作
對於李婉華有意回歸拍港劇，鄭敬基表示未知是否成事：「我成日都同婉華有保持聯絡嘅，但仲未收到佢返來拍劇嘅消息。如果港台搵佢客串我真係唔知，可能佢對香港有個情意結，真係都唔出奇，港台拍嘅劇通常都係短時間，佢可能就啱時間，個幾兩個月前佢先返嚟香港，不過依家又有疫情，我估短期內未必會喇！作為一個識咗咁耐嘅好朋友，佢做咩決定我都會支持佢。」 鄭敬基笑言最想與李婉華、盧苑茵及黎海珊等《卡拉屋企》演員再合作，而《卡拉屋企》是香港人其中一個集體回憶，集氣可能事成呢！
鄭敬基與李婉華於91年合作拍《卡拉屋企》成為好友，多年來 keep住往來，再加上鄭敬基都是加拿大籍，二人同聲同氣。每次好友在港開騷，李婉華都盡可能抽空返港，這次是前年黎瑞恩再踏紅館，她與邵美琪及鄭敬基結伴捧場。在 88至 94年間，李婉華在無綫拍過逾廿套劇，原來這十幾年來，無綫仍不時游說她復出，早年返港度假更被本刊記者影到與金牌監製陳寶華見面密斟。當年的男友吳鎮宇及老友鄭敬基合作的《卡拉屋企》可說是她的代表作。李婉華初出道舊相大晒冷！女神味濃魅力十足
李婉華一出道已驚為天人，是圈中天使魔鬼混合體的美魔女。她是無綫當年力捧的「銀河十星」之一，拍劇古今角色佳宜。
無綫87年力捧「銀河十星」郭富城、崔嘉寶、林穎嫻、邱淑貞、邵仲衡、吳詠虹、李婉華、李中寧、胡越山、李耀敬，年尾官方刊物作介紹，瞓喺婉華隔籬嘅係87年《 銀河十星接力賽 》冠軍邵仲衡。88年20歲嘅李婉華樣貌清純標青帶點混血味道，出道半年就有偶像雜誌刊登佢嘅大彩頁，相中衣著老成完全唔切合佢雙十年華，但就展現出成熟美。21歲的李婉華89年拍劇《公私三文治》 時同吳鎮宇擦出愛火花，從此展開長達八年嘅愛情長跑，但識於微時嘅二人因性格剛烈而經常嗌交，摩擦頻生下分手收場。演藝學院畢業嘅李婉華90年首次演古裝同武打劇，喺《 蜀山奇俠 》演「紫青雙劍」中嘅青劍周青雲，同演紫劍嘅楊寶玲 共侍一夫關禮傑。呢張92年頭影嘅相李婉華金耳環金錶 行頭勁，最吸睛都係展現喺胸膛嘅粗金鏈 連吊墜，名副其實係金玉滿堂。擁有驕人身材嘅李婉華，93年成為某娛樂 周刊嘅封面人物，相中誘惑眼神低胸裝大晒兩 吋半乳溝，係男人嘅魂魄都畀佢勾。李婉華喺夏韶聲穿針引線下推出處女大碟《藍》同埋喺英法拍攝嘅同名寫真集，可惜一推出，唱片公司居然執笠，搞到女神驚愕又失望，而佢喺英國拍寫真時代公司碌卡支付很多費用冇得 claim 番，惨豬豬。李婉華年過半百依然火辣 女神同鍾嘉欣同場無違和感李婉華李婉華替某電視周刊影靚相，34C豐滿上圍喺純白色露臍裝映照下寧舍激凸澎湃，睇 到宅男流晒鼻血咁滯。96年李婉華的留海新髮型配佢一身銀藍色閃令令上衫同珠片褲，再加型格靴，簡直係 艷光放閃，狂野魅力盡現！李婉華96年跳槽亞視，98年同何家勁合作《馬永貞之爭霸上海》同《 馬永貞之英雄血 》時撻著，但婉華恨有家庭，男方又經常返內地工作，長期分隔兩地令感情變淡，戀情維持三年最終分手。