自我增值不再被動　彭慧中為上車爭取機會

33C宅男女神彭慧中2010年參選港姐加入無綫，轉眼間入行踏入第十年，主力擔任主持，多年以來工作寥寥可數，由4年前開始主持《都市閒情》直至現在的《流行都市》，最近才有份主持《我要做業主》。

樣靚身材正的她一直未受重用，令網民大感不值，但她默默耕耘，自問口才了不得，其實背後下了不少苦功：「對比其他同事，我嘅口才唔算特別好。所以我報讀過一個公開演說課程，增值口才嘅能力，因為當時要拍外景飲食節目，我想學多啲詞彙形容食物，唔想淨係講菜有菜味、雞有雞味。」

近日她在《我》中吸取買樓經驗，令她不知不覺以上車置業為人生目標，她說：「我一直同屋企人住，以前齋諗唔會實行，但一踏入三十歲，就好想有自己嘅物業！」她又坦言目前未有足夠能力應付七位數字的首期：「依家要努力賺錢，我想靠自己！雖然屋企人有物業，但我唔想攤大手板，以前後生比較被動，冇諗過需要咁大筆錢，但依家會主動啲去爭取工作機會。」

場地：HEXA 六公館

東網網站 : https://on.cc/

東網Facebook專頁 : https://www.facebook.com/onccnews/