就嚟到聖誕節喇，當然要同親朋好友一齊開party啦！開party點炒得炒熱氣氛嘅party game？小編實試左3款變左身嘅經典遊戲，睇下有冇新驚喜？！
《搶錢風暴》
第 1款變左身嘅經典遊戲就係家傳戶曉嘅大富翁！傳統嘅玩法，就係買地、起樓、罰人地錢，睇下邊個破產。
今次唔洗買地起樓，直接嚟搶錢！呢個玩具套裝有 1支「噴錢手槍」（用3粒AA電）、1疊錢同埋 1疊機會卡～
玩法：
1.年紀最細嘅玩家開始轉動轉盤。
2.轉盤指中嘅玩家拿起噴錢手槍，向上而所有玩家都觸及到嘅範圍開槍。
3.所有玩家一同「搶錢」！
4.搶到機會卡可選擇即時使用，或留待下一次再用。
5.開槍玩家轉動轉盤，繼續遊戲～（記得保管好自己啲錢呀！）
玩法唔複雜，又可以一齊郁下，炒熱氣氛啱哂！
不過就要小心碰撞，最好喺啲空曠，冇乜障礙物嘅位置玩～
《Blindfolded Twister》
第 2款就係玩到嘅扭扭樂！
居然連扭扭樂都有得大變身？！而且難度再度增加左添呀！
今次呢個扭扭樂要矇眼玩，喺唔同顏色都會貼上凸紋，玩法就同原版扭扭樂一樣！
玩法：
1.主持人轉動輪盤，跟據輪盤結果指示玩家。
2.玩家再矇起雙眼，靠觸覺去完成指示。
3.完成唔到指示，或支持唔住倒地就算輸。
因為矇住眼，令人感覺好緊張，唔知幾時會掂到其他人，或者俾其他人掂到～
而且矇住眼碰撞嘅機會都會高左，所以搵啲空曠嘅地邊玩會較好！
《Connect 4 shots》
最後 1個遊戲真係經典中嘅經典！只要將4塊同顏色嘅膠片連成一線，無論打橫、打直、打斜都可以～
今次呢個升級版就加入左乒乓波嘅元素，仲有橙色百搭波波，令遊戲有機會逆轉，刺激又好玩！
玩法：
1.2面玩家揀好顏色，玩家 2人輪流玩。
2.將乒乓波打向枱面，再彈向斜台。
3.最先將4個同一顏色波波連成一線為之贏。
要以彈乒乓波嘅形式取勝，增加左遊戲嘅難度！除左鬥智，仲要有運氣，令遊戲氣氛更加緊張！要對決感強啲嘅遊戲，就可以揀呢個喇～
以上嘅遊戲喺玩具反斗城同各大百貨公司都買得到，快啲買番盒嚟炒熱聖誕派對啦！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0