又到草莓季！最近好多酒店都換咗草莓主題嘅全新下午茶呢！身為下午茶怪嘅我，當然有精選啲好嘢嚟試啦！🤩
今次我就揀咗帝京Lion Rock，因為佢哋最近嘅「水漾春日下午茶」就聯乘咗我其中一個好愛嘅護膚品牌Elizabeth Arden！以品牌嘅招牌產品「透明質酸膠囊」為靈感，再加入時令嘅日本草莓，炮製一系列嘅鹹甜美點～
Elizabeth Arden嘅膠囊精華係其招牌產品，向來都多女士Fans。今次酒店大廚除了以全新嘅透明質酸豐盈保濕膠囊為靈感外，更以其品牌嘅主色調設計成甜品，以及時令日本草莓，鹹甜美點造型精緻，靚到令人唔捨得食！
✦甜點
包括：金箔櫻花水信玄餅、草莓白朱古力慕絲蛋糕、草莓抹茶朱古力千層酥、草莓意大利芝士慕絲、54% 朱古力草莓慕絲蛋糕伴草莓漿球
講到賣相最靚，一定係金箔櫻花水信玄餅！晶瑩嘅寒天入面有鹽漬櫻花，食時散發淡淡幽香，仲有整片金箔作點綴，令人少女心爆發！
大廚以Elizabeth Arden招牌嘅膠囊精華為靈感，模仿膠囊精華的金色球其實是流心草莓漿球，一切開即流出草莓漿，充滿視覺效果。下層的仲有朱古力草莓慕絲蛋糕，外層則係瑞士蓮出產嘅54%黑朱古力所製成嘅慕絲，內有法國野草莓及日本草莓果蓉製成的啫喱，整體味道層次分明，個人最為喜愛！
整體嚟講，令我驚喜係全部甜品都唔會太甜，感覺係平時外面食嘅下午茶嘅半糖程度，啱晒怕肥又為食嘅女生！😜
✦鹹點
包括：松葉蟹沙律、火炙三文魚手鞠、黑松露野菌玉子燒、碎吞拿魚腩牛油果最中餅
我次次嚟Lion Rock，最期待都係佢哋嘅鹹點，大多以刺身或壽司為主，精緻程度拍得住Omakase！
今次鹹點之中，我最愛火炙三文魚手鞠壽司，名字是其外形與手鞠球相似而來，Size小巧，放入口中剛剛好，經過火炙，三文魚油香於口中徘徊，感受滿滿嘅幸福滋味。
另外，我未食過「最中餅」係用紅豆蓉以外嘅食材整！
酥脆嘅最中餅，配合切碎嘅吞拿魚腩及牛油果，成件事幾fresh，雖然味道幾得意，不過個人還是較愛紅荳餡。
第三令我印度深刻，莫過於黑松露野菌玉子燒！睇落簡單平凡，但食得出好有心機，一圈圈玉子入面夾咗野菌及黑松露配料，外層微微焦香，內層又有芬香嘅黑松露及野菌，食一舊絕對唔夠喉！
✦ 甜蜜特飲
今次特飲係Ocean Blue及White Tea Latte。粉藍色嘅Ocean Blue，其實係以蘋果汁加入鮮奶及藍糖水調成，酸酸甜甜，加上薄荷葉增添清涼感；而White Tea Latte就以壽眉、鮮奶、薰衣草及玫瑰糖水調成，奶泡香滑，中間散發壽眉及花香，清新怡人，真係唔錯！
P.S. 呢款下午茶，每兩位客人就會送Elizabeth Arden膠囊精華體驗裝乙份（每份價值HK$202），又食又有得靚靚，開心。😝♥️
✦水漾春日下午茶 HK$508（兩位，包2杯特飲）
★－:+:－:+:－:+:－:+:－★
🎡味道：4
🎠環境：4
🎪服務：4
🕌CP值：3.5
（*5為最高分）
★－:+:－:+:－:+:－:+:－★
◌ Lion Rock
◌ 旺角太子道西193號帝京酒店3樓
★－:+:－:+:－:+:－:+:－★
🎀 記得like埋我，每日放送打卡好去處！📸
https://www.facebook.com/daydaycheckin
https://www.instagram.com/daydaycheckin
💗ᴿᵉᵃᵈ ᴹᵒʳᵉ
留言 0