曹查理唔忿氣曾志偉走紅！拍三級片6萬蚊一組 開足幾年

90後、00後或者未必認識曹查理。80、90年代是港產片黃金時期，三級片一樣大受歡迎。當年曹查理演過不少猥瑣角色，亦是不少三級片的御用演員。早前曹查理接受苑瓊丹主持香港開電視節目《開工大吉77》訪問，大談當年拍三級片往事，原來當年三級片令他致富，「當時六萬蚊一組，日日開工開足幾年。」

曹查理透露，當年自命高大靚仔，但經常要做奸角，處於半紅不黑位置，最紅反而是曾志偉、大口青，「我就一於去拍三級片，睇吓你哋敢唔敢！」因為「條氣唔順」拍三級片，亦令曹查理成為影壇搶手貨，「試過有次去到現場，導演覺得嗰佈景唔得，照出糧叫我收工！其實我唔介意人哋點睇，因為最緊要記得我，而且好多女明星都係得遠觀，但我就可以同佢哋親近，所以唔抗拒。」

曹查理笑指從未與圈中人發生過感情，「連一夜情都冇！」，坦言當年拍三級片「緊張到不得了，淨係諗住錢，收工去邊度使錢！」曹查理表示已退休一直拒絕訪問，純粹畀面苑仔才出山：「如果苑仔叫我一齊拍三級片，我肯復出，因為呢部一定係笑片，唔會係愛情動作片。」

撰文：機