鞦韆地圖推薦香港特色韆鞦！不少大人小朋友都喜歡盪 韆鞦，香港一名90後男生為要做一份完整的鞦韆地圖、並在Facebook開設「鞦韆先生」專頁，走訪香港各區整理出鞦韆資料，尋找別具特色的韆鞦，讓大家一同感受盪韆鞦的樂趣。
香港鞦韆地圖-不同類型
香港的韆鞦多數由康文署及房委會所管理，只要到兒童遊樂場或屋邨兒童遊樂設施，均有機會覓得韆鞦的蹤影。類型包括軟板型、嬰兒型、親子型、盔甲型、圓欖型等。最常見的韆鞦都係軟板型同嬰兒型。而坊間或者商場都會整一啲比較特別的韆鞦，如木韆鞦、搖椅韆鞦等，如果有興趣，不妨大家都可以喺香港周圍探索下。
鞦韆地圖-3大打卡位推薦
1. 大白灣沙灘兒童遊樂場
大白灣沙灘位於愉景灣，有一個全港獨有的沙灘遊樂場，兒童玩樂設施甚多，包括一個設計夠特別的圓欖型韆鞦，以及一個硬板型的韆鞦，大人都玩得！寧靜的時候，望住嗰海景玩韆鞦，真係超寫意，係一個不錯的打卡選擇。但因疫情緣故，遊樂場暫時就不開放，大家都係等開放之後再去啦。
2. 籮箕灣營地
籮箕灣位於南大嶼郊野公園，交通都算方便，海灘水清沙幼，山上怪石趣緻，沙灘一旁的大樹有個好特別的木條型韆鞦。韆鞦盪得越高，就越感受到迎面而來嘅海風，仲可以眺望遠方嘅島嶼。
3. 歌和老街兒童遊樂場
但如果唔想去離島又想即刻玩韆鞦，就可以去歌和老街兒童遊樂場啦。遊樂場總共有5組韆鞦，其中4組係軟板型。雖然處於九龍區，但人少，應該唔洗點排隊就有得玩。而遊樂場四周都係草木，草坪都修剪成動物的形狀，相當趣緻。
香港鞦韆地圖
韆鞦遍佈香港各區，鞦韆先生走訪各區，搵咗超過150個地點有韆鞦玩，仲好細心咁分晒類型供大家參考。港九地區尤其多韆鞦，如果你想玩韆鞦，就不妨睇睇呢份鞦韆地圖啦！啱大人玩的韆鞦其實都唔少㗎，普通的軟板、硬板、圓欖型韆鞦都可以一試！
如果大家仲想知多啲關於香港韆鞦，可以到鞦韆先生專頁睇睇。
鞦韆先生
Facebook專頁：鞦韆先生
Instagram：@mr.swing_hk
YouTube：鞦韆先生 Mr. Swing
留言 0