江若琳去年12月23日,於與蕭潤邦結婚4周年當日,在社交平台貼上超聲波圖宣佈懷孕。今日(6月9日)宣佈兩日前誕下首名兒子,洋名Owen。
江若琳全文如下:「我們仨的第一張合照。Bb包我地(哋)終於見面啦!我等左(咗)你好耐啦,雖然你比我預期中早左(咗)兩日出現,明明媽媽我book左(咗)餐廳,食餐好過兩日先施施然生你架嘛!唔緊要,以後你既(嘅)人生都可以好似咁,由你自己去決定,我知道呢個係你既(嘅)選擇,我會永遠支持你尊重你,爸爸媽媽會成為你生命中最強大既(嘅)後盾,你突然間要發動,一切黎(嚟)得好快!雖然過程中有少少驚險,但當下我只係知道我要拼盡所有力氣去保護你,將你平安帶到黎(嚟)呢個世界,我地(哋)合力完成啦give me five ,感謝你健健康康 ,平平安安!」
「在此我要特別感謝尹鎮偉醫生同佢所有姑娘團隊,由第一次產檢到生產之路都令我太安心,只要聽到尹醫生每次講一句very good 我就好有力量同信心!當然生既(嘅)過程都全靠佢既(嘅)專業,好勁。另外都要多謝半夜趕返黎(嚟)既(嘅)麻醉師張醫生,太好手勢,減輕左(咗)我太多痛苦,兒科醫生彭醫生、養和醫院助產士同所有姑娘,你地(哋)照顧得我地(哋)好好,又好耐心教導我點樣去做一個媽媽!」
「最後我想俾最大既(嘅)掌聲bb包爸爸,最初見佢慌慌張張,以為佢流流地(哋),點知到生產整個過程佢一直俾好大既(嘅)支持我,係(喺)我耳邊打氣同我講:咩都唔好擔心,加油push!!!!!!!!!然後佢克服晒佢最驚既(嘅)事,我地(哋)成功啦!bb包平安於6月7日降落地球!謝謝你瀡滑梯黎(嚟)到我地(哋)既(嘅)世界,你既(嘅)出現令我人生變得太完整同美好!同大家介紹我個男朋友仔 OwenSiu!大家多多指教 #我搵到我既(嘅)初戀了 #我最愛的男朋友」