安東尼哥頓罷操成功逃出降班區‼️愛華頓陣中新星21歲嘅安東尼哥頓(Anthony Gordon)經過兩日罷操後，成功迫使球會接受報價，愛華頓接受紐卡素以4000萬鎊收購球員，球員將會係週末完成體檢並簽下長期合約🙌🏻
年僅21歲嘅安東尼哥頓司職右翼，上季領隊林柏特投下信心一票，上季係卡華利雲受傷就係由哥頓同格雷拍住李察利臣打三箭頭，上季35場交出4球2助攻，數據上唔算亮麗，但上季以一名20歲嘅後生仔係邊路嘅盤帶已經係拖肥嘅一大殺著。今季季初曾經有車路士瘋狂報價欲將哥頓帶到史丹福橋，而愛華頓拒絕接受並安排哥頓接下10號球衣，短期內成功保住球員。
然而，縱使季初哥頓係球會嘅突破點，但林伯領軍嘅愛華頓每況愈下，現時20戰15分排係第19位，而林柏特被炒後陣中兩大球星哥頓同中場安拿拿齊齊罷訓，企圖跳船離開泥足深陷嘅愛華頓，如今哥頓成功離隊，愛華頓需要失去一名猛將但有4000萬鎊在手，如何運用資金係冬季補強成為佢地能否逃出降班區嘅一大關鍵🥵
▼ Follow 足球港場
Instagram: https://www.instagram.com/footballarena_hk/
留言 0