作者: 飛叔
踏入四月，依然都無晚市堂食，加上繼續二人限聚，不如叫外賣在家自己享受好過啦。都想支持下艱苦經營的小店，如果在家附近的店，就自己行去取，如果地點遠少少或者唔方便外出的話，就幫襯香港兩大外賣App即「熊貓」及「袋鼠」，其實兩間的系統都改善了許多，雖然在App點的餐一般都貴過餐廳的標價，但是用慣咗就會識揀較平運費的，建議一次過叫兩餐的食物份量，那就可減低成本。唉，無計啦，經濟差，一定要慳得就慳。
就住洗錢之餘，都可以在平民美食當中找到有水準的選擇，以下介紹幾間我近期試過的外賣，都是有水準得來又非常親民的，希望大家都能夠在低Budget之中找到快樂，捱過這股寒冬。
枝竹牛腩飯餐 @基隆茶餐廳
早前有幾日行動不太方便，幸好外賣App可以叫到大約兩三公里外的餐廳，於是就幫襯早前被某「盆菜KOL」捧紅的深水埗基隆茶餐廳。
清日節都來到，當然唔係食盆菜，見天氣忽然轉冷，就叫了一客「枝竹牛腩飯餐」。
食物份量比預期的大，既有腩又有筋，枝竹更有好多件，炆得還算腍，而且個腩汁撈飯一流。
雖然外賣比堂食貴些 (外賣$88，堂食$65)，但炆牛腩係一件好花時間的事，扣埋食材及時間成本，外賣仍平過自己煮，值得一試。
基隆茶餐廳
地址:
深水埗北河街141號地舖
太子界限街24號地舖
泰式的兩餸一湯 @泰亞萊海南雞專門店
主打泰式海南雞飯的泰亞萊，幾間店一向都只做外賣，以前都幫襯過新蒲崗的分店，近期就去過位置較近我屋企的荔枝角店，一次過買海南雞飯及豬手飯(每客HK$50)，加埋一客冬蔭功湯(HK$8)，來個泰式的兩餸一湯。
好掛位泰國呀! 現時泰國已經開關，香港仲未開呢，雖然可以申請疫苗通行證，但要回鄉仍然有好多考慮，相信今年都難以實行。唯有在家合埋雙眼，幻想自己在曼谷，唔搭港鐵搭BTS，唔係去百佳掃貨，而係去Big C，諗起都開心。
夾件雞，吃飽後繼續發好個夢啦。
泰亞萊海南雞專門店
地址:
荔枝角長沙灣道883號億利工業中心地下6A6號舖
新蒲崗大有街14號萬星工業大廈地下C2號舖
沙田石門安麗街18號達利廣場地下4C號舖
觀塘開源道63號福昌大廈地下A8號舖
手工餃子 @甜記餃子
疫情令到餐飲業蕭條，很多食店無奈地暫停營業，仍然有些小店在掙扎求存中。
以前都介紹過甜記餃子，在疫情前，長沙灣店門外經常都排長龍，幾年來由一間開到三間，現時還開門但只提供外賣，忽然想吃餃子便去支持下。
今次叫了雙拼湯餃，椰菜冬菇雲耳豬肉餃、香芹芫荽豬肉餃，兩款都依然包得紮實，而且好足料。
餃子跟雞湯分開擺放，吃時先浸入湯一陣，然後沾上豉油和辣醬，便惹味得很。
地址:
長沙灣昌華街23號富華廣場19號地舖
旺角通菜街2Q-2Z號鴻輝大廈地下2號舖
太子砵蘭街450-454號HQ大廈地下C-D號舖
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung
