無綫劇《下流上車族》開播後成功炒起話題，除了第一次拍劇的林敏驄成為焦點外，劇中飾演他大女、港姐出身的25歲郭柏妍同樣憑自然演技吸引觀眾，有望成為新一代花旦。
郭柏妍雖然只出道兩年，但因為肯博肯捱而深受監製寵愛，年初撼贏蘇皓兒成功爭到《下流上車族》女二角色，之前更有機會同視帝陳豪在《白色強人2》演感情線，亦先後演出《雙生陌生人》、《旁觀者》、《破毒強人》等劇集備受力捧，觀眾對於其演技亦有讚無彈「「郭柏妍演技唔錯完全唔似第一次演戲」、「唔作狀、順眼、靚女、自然，比較何依婷好好多，把聲令人聽得舒服」、「好過馮盈盈十倍」，亦有人大讚她外形甜美可、有親和力，更形容她是「香香公主2.0」等。郭柏妍受訪時曾表示自己小時候很貪玩，但長大後性格變得比較安靜，可說是「宅女」一名，直到參選港姐才變回大膽，又話自己對於演藝工作零經驗，一開始並不太習慣望住鏡頭，但隨住參選就慢慢適應，希望之後有更多發展。
郭柏妍中學時期曾在「香港步操樂團公開賽」中獲得2011年度銀獎及2012年度金獎，又曾代表學校多次參與學界游泳比賽並打入八強。中學畢業曾就讀於香港高等教育科技學院的食品安全學科，並畢業於香港大學食物安全管理碩士課程。最令人關注的是，郭柏妍曾自爆自己是「A0」，因為身邊少有異性朋友而未拍過拖，又曾在節目《後生仔傾吓偈》坦言不乏男性追求，但因為不合適而未有發展。郭柏妍公開自己鍾意比她高、健談、開朗和上進的男生，更直指余德丞是理想對象，不過暫時拍拖不是優先，想專心發展事業。