日本最美村落｜廖慧儀嘗味噌卡邦尼 夜探星星降落地

廖慧儀（Jessica）將在今晚（22日）播出的新一集TVB Plus《日本最美村落》繼續木曾町之旅，她去到當地一間用農產品入饌的居酒屋，品嘗木曾町地道美食。店東Yoko婆婆十分親切，為Jessica推介一款以木曾町老酒藏釀製的日本酒，配以混和味噌製成的卡邦尼意粉、納豆沙律及炆豚肉，別有一番風味。Jessica說︰「原來味噌可以煮到咁多嘢食，我從未食過味噌卡邦尼，大開眼界。」臨別時，Yoko婆婆熱情擁抱合照，令Jessica差點不捨得離開。

Jessica離開木曾町，走進日本幸福度排名第一、最美村落原村。該處的八岳自然文化園，位處海拔1300米，可眺望不遠處的八岳山，山峰美景可媲美富士山。入住當地的Pension Village，晚間的觀星活動更是引人入勝，Jessica解釋︰「因為原村海拔較高，秋冬時天空較清能見度高，所以有人話呢度係星星降落嘅鄉村。」

明晚（23日）播出的一集，Jessica跟名家學吹「樹音」︰「樹音係一種小型木笛，形狀好特別，原創者為安川誠先生，今次教我吹嘅就係佢囡囡。」Jessica表示大的樹音聲調沉穩，小的樹音聲調清澈，猶如小鳥的聲音。

（即時娛樂）