車然係咁：唔續牌　搵嚟煩！

駕車遇上警察Road Block查車，

警察：「先生，你行車證過期喎！」

司機：「吓！架車係我問朋友借，我唔知過期㗎喎！」

雖然架車係問朋友借，但係作為駕駛者，一樣要負責，根據香港法例第374章 《道路交通條例》52條（1）指出：

除本條例另有規定外，任何人不得

（a）在道路上駕駛或使用附表1所指明種類的車輛，但不包括人力車在內；或

（b）容受或允許他人在道路上駕駛或使用上述車輛，除非該車輛已按照本條例登記及獲發牌照。

所以呢位司機將會被罰定額罰款$450，而車主因為沒有「續牌」，所以亦會收到由警察交通部發出的罰款通知，作為車主記得要「續牌」啦！