42歲恭碩良和53歲林憶蓮早前宣佈和平分手後，恭碩良很快就傷心完好有火，在Instagram出文鬧早兩日免費派口罩的阮民安(Tommy)：「你嚮呢啲咁嘅時勢玩X啲老人家，你好X嘢。」他說的「玩X啲老人家」，應該就是Tommy呼籲拿取口罩者可以叫「光復香港」等口號。不過恭碩良的發言很快引來網民圍攻，現在連IG帳戶也看不到了。
恭碩良用英文留言鬧，意思是他不認識Tommy，但他一定會落地獄，仲話Tommy不代表香港人，令人羞恥。之後有網民留言說：「人哋講明老人家優先拎籌，亦講明嗌口號非必要，無眼清楚人哋FB公告，睇篇報導就咒人落地獄。」恭碩良亦留言反擊：「大人講嘢大人先明，早啲抖啦你！」雖然其後恭碩良的IG已刪除，但仍有網民轉戰討論區鬧爆：「後生仔俾人打嗰時從來都無出過聲，到呢啲時候就出嚟做正義使者攞光環？」